Ümumdünya Səhiyyə Təşkilatı (ÜST) səhiyyədə generativ süni intellektin (Sİ) böyük multimodal modellərindən (LMM) istifadənin riskləri barədə xəbərdarlıq edib.
Xeberler.az təşkilatın saytına istinadən xəbər verir ki, ÜST ölkələri bu texnologiyaların insan hüquqları sahəsində qanunvericiliyə uyğun olmasını təmin etməyə çağırıb və onların tətbiqinin nəticələrini qiymətləndirmək üçün məcburi auditlərin tətbiqini tövsiyə edib.
“LMM sağlamlıqla bağlı xüsusi məqsədlər üçün istifadə olunmağa başlasa da, sağlamlıqla bağlı qərarlar qəbul etmək üçün bu cür məlumatlardan istifadə edən insanlara zərər verə biləcək yalan, qeyri-dəqiq, qərəzli və ya natamam məlumatlar yaradılması ilə bağlı sənədli sübutlar da var”, - təşkilatdan bildirilib.
Risklər, həmçinin aşağı keyfiyyətli məlumatların və ya irqi, etnik mənsubiyyət, cinsiyyət və ya yaşa əsaslanan qərəzli yanaşmanın olduğu məlumatların istifadəsindən qaynaqlanır. “Generativ Sİ texnologiyaları kibertəhlükəsizlik baxımından da həssasdır: pasiyentlərin məlumatları və daha geniş şəkildə tibbi yardımın göstərilməsi risk altında ola bilər”, - sənəddə deyilir.
ÜST hesab edir ki, təhlükəsiz LMM yaradılmasında, özü də hazırlanma və tətbiq mərhələsinin bütün dövrlərində müxtəlif maraqlı tərəflər, o cümlədən hökumətlər, texnologiya şirkətləri və pasiyentlər iştirak etməlidir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri