Distant təhsil forması təsdiqlənib, əsasnaməsi isə hələki yoxdur

11-09-2020 / 18:07
"Gözəl hökumətimiz var.
 
Hökumətin yanaşması təxminən belədir : Şagirdlərin və müəllimlərin texniki-texnoloji təminatı bizlik deyil, distantı Təhsil Nazirliyi özü təşkil etməlidir. Ötən gün Nazirlər Kabineti “Xüsusi karantin rejimi dövründə tədris və təlim-tərbiyə prosesinin təşkilinin müvəqqəti Qaydaları”nı təsdiq edib.
 
Qaydalarda tədris və təlim-tərbiyə prosesinin distant (məsafədən) formada təşkil edilməsi nəzərdə tutulub. Və cəmi bir yerdə DİSTANT sözü işlənib. Vəssalam.
 
Distantla bağlı başqa heç bir müddəa Qaydalarda yoxdur. Elə o nəhənglikdə Təhsil Qanununda da belədir. Yalnız bir yerdə distant sözü var. Bu distant formanı kompüter və internet olmadığı halda Təhsil Nazirliyinin, təhsil müəssisəsinin necə təşkil edəcəyi haqqında, distantın yaradacağı yeni hüquqi münasibətlər haqqında, istifadə olunacaq virtual tədris platformaları haqqında, distantın elmi–pedaqoji əsasları haqqında, distantda dərsin və qiymətləndirmənin necə təşkil olunacağı və s. bu kimi məsələlər haqqında Qaydalarda bir kəlmə də olsun müddəa yoxdur.
 
Məəttəl qalıram. Bu necə ola bilər ? Bunun məsuliyyətini kim çəkəcək ?
 
Bəlkə distant ekosistem mövcud olmadığına görə Nazirlər Kabineti Qaydalara konkret müddəalar daxil etməyib. Amma dərhal qeyd etmək istərdim ki, mövcud hüquqi-normativ bazaya baxsaq görərik ki, əyani təhsil verməklə bağlı öhdəlik götürən təhsil müəssisəsi bundan birtərəfli qaydada imtina edib distant təklif edirsə, onda düşünürəm ki, bu formada təhsil xidməti vermək üçün imkanlar da yaratmağa borcludur.
 
Düşünürəm ki, Təhsil Nazirliyi lənğimədən şagirdlərin və müəllimlərin texniki-texnoloji təminatı ilə bağlı apardığı monitorinqin nəticələrini açıqlamalıdır.
Əminəm ki Təhsil Nazirliyinin əlində mövcud durumla bağlı yetərincə informasiya toplanıb.
 
Təhsil Nazirliyinin bu informasiyaları ictimaiyyətdən gizlədilməsini doğru hesab etmirəm. Təhsilə cavabdeh mərkəzi icra qurumu olaraq Təhsil Nazirliyi dərhal mövcud texniki-texnoloji durumla bağlı məlumatları açıqlamalı və hökumətdən, ayrı-ayrı qurumlardan distant təhsilin keyfiyyətli təşkili üçün kömək istəməlidir.
Əlbəttə anlaşılandır ki çətinlik var, Pandemiyanın gətirdiyi yeni çağırışlar var. Bu , tək bizim ölkəmiz üçün deyil. Bütün dünya yeni çağırışlarla üz-üzədir. Amma müşahidələr göstərir ki hökumətlər bu problemi həll etmək üçün daha effektiv qərarlar qəbul edirlər.
 
Həssas ailələrin texniki-texnoloji təminatını hökumətlər öz üzərinə götürür. Düşünürəm ki, Nazirlər Kabineti distant təhsilin təşkili üçün Təhsil Nazirliyinə köməklik göstərməli, əlavə resurslar ayırmalıdır. Hansısa bəsit formada , ənənəvi təhsillə bağlı Qaydaları təsdiqləməklə işi bitmiş hesab etmək doğru olmazdı. Əgər hökumət distantın təşkili qaydalarını tsədiqləmək məsuliyyətini öz üzərinə götürmək istəmirsə, düşünürəm ki, Təhsil Nazirliyi dərhal belə bir müvəqqəti Qaydaları özü hazırlamalıdır.
 
Bununla əlaqəli metodiki resurslar hazırlanıb müəllimlərə verilməlidir.
Təhsil Nazirliyi özü də kompüter və internet üçün NRYTN-a, provayderlərə və mobil oparatorlara, İT şirkətlərə müraciət etməlidir".
 
Azərbaycan İnternet Formunun Prezidenti Osman Gündüz

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.