"Gömrüklə bağlı qərarın qüvvəyə minməsi alıcılıq qabiliyyətinə ciddi təsir edəcək"

19-09-2020 / 17:25
Xeberler.az bildirir ki, gömrük limitinin 300$ -a endirilməsi haqqında Nazirlər Kabinetinin 305 saylı qərarın qüvvəyə minməsinə bir gün qalıb.
 
Əgər qərar qüvvəyə minərsə sabahdan etibarən vətəndaş şəxsi məqsədlər üçün, bir ay ərzində 300$ limiti keçməmək şərtilə bir neçə dəfə bağlama sifariş edə biləcək. Hazırda isə bu limit 1000$-dır.
 
Məsələ ilə bağlı Azərbaycan İnternet Formunun Prezidenti, ekspert Osman Gündüz açıqlama verib:
 
"Son günlər pandemiya səbəbindən bütün ölkə üzrə distant təhsilin məcburi olması ilə bağlı şagirdlərin və müəllimlərin kompüter və telefonlara tələbatı da kəskin artıb.
NK305 saylı qərar qüvvəyə minərsə, bu, vətəndaşların alıcılıq qabiliyyətinə ciddi təsir göstərəcək, vətəndaşların xaricdən daha ucuz qiymətə texnoloji avadanlıqlar gətirmək imkanları da məhdudlaşacaq.
 
Hökumət, Təhsil Nazirliyi distant təhsilin təşkili üçün şagirdlərin və müəllimlərin texniki- texnoloji və internet təminatı ilə bağlı hələlik ciddi resurslar ayırmayıb.
Əhalinin 50% -nin yaşadığı kəndlərdə təhsil xidmətlərinə əlçatımlıqla bağlı ciddi problemlər yaranıb.
 
Bu baxımdan hökumətin, pandemiyanın, distant təhsilin davam etdiyi dövr üçün, gömrük limitini ya əvvəlki qaydada, ya da xaricdən ortabab kompüter və smartfon əldə ətmək imkanları yaratmaq üçün 750$ civarında müəyyən etməsi məntiqli olardı.
 
Ümid edirəm hər bir vətəndaş üçün təhsil xidmətlərinə əlçatanlığı təmin etməli olan hökumət bunun fərqində olacaq".

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.