RƏQƏMSAL DÜNYA

Vergilər Nazirliyinin rəsmi internet saytı yenilənərək məzmunu zənginləşdirilib.

Bu barədə Xəbərlər-ə nazirliyin mətbuat xidmətindən bildirilib. Yeni saytda edilən dəyişikliklər zamanı istifadəçilərin təklifləri nəzərə alınaraq, səhifədən istifadəni rahatlaşdırmaq üçün xeyli işlər görülüb.

Bu müddət ərzində səhifənin ümumi dizaynı həm texnoloji imkanların müasirləşməsi, həm də tələbat nəzərə alınaraq üç dəfə dəyişdirilib. Son belə dəyişiklik isə 2009-cu ildə olub. Yaxın gələcəkdə saytın dizaynının növbəti dəfə yenilənməsi, səhifənin Android, İOS platformalı smartfonlar, habelə planşetlər üçün əlavələrin hazırlanması planlaşdırılır. Vergi ödəyiciləri saytın bir sıra imkanlarından yararlana bilərlər.

Statistik hesabatlara görə, səhifədə ən çox Qanunvericilik, E-xidmətlər, Media, Haqqında, Bir pəncərə, Sual-cavab, Bəyannamə bölmələrinə müraciət edilir. Səhifə istifadəçilərinin 60 faizi bu bölmələrdən yararlanır. Bundan başqa, səhifədə yeni istifadəyə verilmiş Onlayn bələdçi xidmətini də istifadəçilər böyük maraqla qarşılayıblar.

Bu xidmət vasitəsilə onlar canlı rejimdə səhifə ilə bağlı istənilən sualı operatora ünvanlayaraq, həmin an cavab almaq imkanı əldə edirlər.

Xeberler.az