Azərbaycan Milli Antidopinq Agentliyi (AMADA) Milli Antidopinq Təşkilatları İnstitutunun (İNADO) üzvləri üçün “Antidopinq maarifləndirilməsində süni intellekt: Təhsilin transformasiyası” adlı vebinar keçirib.
Xeberler.az bildirir ki, AMADA-nın mətbuat xidmətindən verilən məlumata görə, bir saatdan artıq davam edən vebinarın təlimçisi Agentliyin Elm, tibb və təhsil şöbəsinin müdiri vəzifəsini icra edən Qüdrət Səfərov olub.
Vebinar iştirakçılarına süni intellekt və onun potensial tətbiqləri, süni intellektə əsaslanan təhsildə mövcud tendensiyalar, gələcək imkanlar, bu sahədə istifadə olunan alətlər və onların səmərəliliyini maksimuma çatdırmaq üçün strategiyalar barədə məlumat verilib. Həmçinin süni intellekti təhsil proqramlarına inteqrasiya edərkən yarana biləcək problemlərin qarşısını almaq üçün üsullar və təhsil məzmunu yaradan vasitələrin əhəmiyyəti diqqətə çatdırılıb.
Vebinarın sonunda AMADA-nın nümayəndəsi iştirakçıların suallarını cavablandırıb, gələcəkdə birgə əməkdaşlığın antidopinq üzrə maarifləndirmə sahəsində yeni imkanlar açacağına əminliyini ifadə edib.
Sonda İNADO-nun Proqramlar üzrə meneceri Emi Dayer vebinarın əhəmiyyətini yüksək qiymətləndirərək, müasir dövrdə süni intellektin həyatımızda oynadığı mühüm rolu və antidopinq sistemində tətbiq olunmasının vacibliyini vurğulayıb.
Vebinara dünyanın müxtəlif ölkələrindən 60-dək iştirakçı qatılıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları