Azərbaycan İnternet Forumunun prezidenti Osman Gündüz
ASAN Xidmətin beynəlxalq mükafat alması ilə bağlı sosial media hesablarında açağıdakıları bildirib:
"Qlobal “StartupBlink” qurumu dünya üzrə startap ekosistemin inkişafı sahəsində ölkələrin reytinqlərini açıqlayır.
100 ölkə arasında Azərbaycan üzrə nəticələr son 4 ildə aşağıdakı kimi olub:
2020-ci il - 70-ci yer
2021 –ci il - 19 pillə geriləyib, 89-cu yer
2022- ci il - 4 pillə irəliləyib, 85 -ci yer
2023-cü il - 1 pillə irəliləyib , 84-cü yer
2022-ci ildən ASAN bu qurumla əməkdaşlıq etməyə, ölkə üzrə ekosistem məlumatlarını sistemli olaraq bu qurumla bölüşməyə başlayıb.
Bundan sonra Azərbaycan reytinqdə 5 pillə irəliləyə bilib.
Dünya ölkələri arasında bu sahədə ciddi rəqabətin olduğunu nəzərə alsaq ASAN-nın bu qurumla əməkdaşlığından sonra situasiyanın az da olsa dəyişməsi diqqətçəkəndir.
Bu il “StartupBlink” “ASAN xidməti ölkədə innovasiya ekosisteminin inkişafına və startaplara dəstək mexanizmlərinin təşviqinə görə “Qafqazda ən yaxşı startap nəticələri” mükafatına layiq görüb.
Ölkə üzrə bu sahədə vəziyyət xoşagələn olmasa da xırda bir uğur da diqqətçəkəndir və buna görə dostlarımızı təbrik edirik.
Təəssüf ki, hələlik sektorun əsas cavabdeh qurumu, İRİA bu sahəyə ciddi resurslar ayırsa da effektivlik olmayıb və irəliləyiş yarada bilməyib.
Ümid edirəm ASAN, İRİA, KOBİA və ekosistemin digər iştirakçıları səylərini birləşdirib, heç olmasa reytinqdə 2020-ci ildəki vəziyyəti bərpa edə biləcəklər"
