Azərbaycan dünya startap reytinqində geriləyib

28-06-2021 / 11:05
Global Startup Ecosystem Reytinqinə görə Azərbaycan 2021-ci ildə 19 pillə geriləyərək 89-cu yeri qazanıb. Ötən il Azərbaycan bu reytinq cədvəlidə 70-ci pillədə olub.
 
Global Startup Ecosystem 2021 Hesabatına görə dünyada ən yaxşı startap ekosistemi ABŞ, Böyük Britaniya, İsrail, Kanada, Almaniya, İsveç, Çində formalaşıb.
Keçmiş sovetlər birliyinə daxil olan ölkələr içərisində elələri var ki, cari ildə daha uğurlu nəticələr əldə edə biliblər.
 
Global Startup Ecosystem 2021 Reytinqində 100 ölkənin daxil olduğu siyahıda bəzi ölkələrin tutduğu yerlər aşağıdakılardır:
 
1 ABŞ
2 Böyük Britaniya
3 İsrail
7 Çin
13 Estoniya
17 Rusiya
34 Ukrayna
44 Türkiyə
65 Ermənistan
67 Belarus
76 Qazaxstan
80 Gürcüstan
88 Monqolustan
89 Azərbaycan
90 Küveyt
100 Efiopiya
 
Məsələyə Azərbaycan İnternet Formunun Prezidenti, ekspert Osman Gündüz münasibət bildirib.
 
Ekspertin sözlərinə görə, Ermənistan startap ekosistemin inkişafına görə hətta Belarus və Qazaxstanı qabaqlayıb.
 
Hesabatda ölkələrlə yanaşı bu ölkələrin startaplar üçün ən cəlbedici şəhərləri də
araşdırılıb. Startaplar üçün ən cəlbedici şəhərlər içərisində ilk 3-də San-Fransisko, Nyu York və Pekin yer alıb.
 
Startaplar üçün ən cəlbedici 100 şəhər siyahısına yaxın regiondan yalnız Moskva (9-cu yer), Kiyev( 78-ci yer), İstanbul, Tallin, Vilnus kimi şəhər daxil ola bilib.
 
Azərbaycan isə yalnız 1000 ən yaxşı startap ekosistem şəhəri siyahısına daxil ola bilib, lakin təəssüf ki, bu siyahıda yer alan Bakı şəhəri ötən illə müqayisədə 132 pillə geriləyərək 455-ci yeri tutub.
 
Avropa üzrə ən yaxşı ekosistemi olan şəhərlər içərisində Moskva Tallini qabaqlayaraq Londondan sonra 2-ci yerdə qərarlaşıb. İstanbul da bu siyahıda ilk 20-likdə yer ala bilib".
 
Osman Gündüz qeyd edib ki, StartupBlink şirkətinin Global Startup Ecosystem Hesabatı hər il hər bir ölkə üzrə ekosistemin müxtəlif sahələrini xarakterizə edən Kəmiyyət, Keyfiyyət və Biznes Mühiti indeksləri əsasında formalaşır. Bu metodologiyada Kəmiyyət indeksinə startapların sayı, Kovorkinq mərkəzlərin sayı, Akselerasiya mərkəzlərin sayı, Startap tədbirlərin sayı və s. parametrlər daxildir.
Keyfiyyət indeksini ölçmək üçün müxəlif beynəlxalq startap platformalardan əldə olunan məlumatlar, özəl sektorun startap ekosistemə investisiyası, startlarda çalışanların sayı, qlobal startap tədbirləri və s. parametrlərdən istifadə olunur.
 
"Biznes mühiti indeksi isə biznesin təşkili üçün mövcud şərtlər, İnternetin sürəti və internet azadlığı, investisiya mühiti, patentlərin sayı, rəqəmsal bankçılıq və s. əsasında müəyyən olunur".
 
Son olaraq ekspertn sözlərinə görə, hesabatdan görünən odur ki, ölkəmizdə startap ekosistemin inkişafı sahəsində son zamanlarda müəyyən işlər görülsə də ciddi problemlər də var. Xüsusən də bu Reytinq cədvəlində Azərbaycanın qazandığı yer heç bir halda mövcud potensialımıza adekvat deyil:
 
"Belə görünür ki, digər ölkələr də yatmayıblar və ekosistemin inkişafında daha sürətli addımlar ata biliblər.
 
Ümid edirəm ölkəmizdə startap ekosistemin inkişafına cavabdeh olan VXSDİ Dövlət Agentliyi, NRYTN və KOBİA bu Hesabatla bağlı rəsmi açıqlamalar verəcəklər".
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.