Azərbaycan dünya startap reytinqində 4 pillə irəliləyib , lakin hələ də region ölkələrindən xeyli geridədir.
Global StartupBlink qurumu 2024-cü il üçün növbəti hesabatını açıqlayıb.
Reytinqinə görə Azərbaycan 2024-cü ildə 4 pillə irəliləyərək 100 ölkə arasında 80-ci yerdə qərarlaşıb. Bakı şəhəri isə şəhərlərarası reytinqdə 68 pillə irəliləyib.
Ötən il isə əvvəlki illə müqayisədə Azərbaycan 1 pillə irəliləmişdi, 2021-ci ildə 19 pillə geriləmişdi.
Reytinqdən görsənir ki, Gürcüstan, Ermənistan, Ukrayna və Qazaxıstan bizdən xeyli irəlidədir :
1. ABŞ
3. İsrail
12. Estoniya
35. Rusiya
40. Türkiyə
46. Ukrayna
57. Ermənistan
70. Gürcüstan
74. Qazaxıstan
80. Azərbaycan
100. Qırğızıstan
Azərbaycanda son 5 ildə dinamika belə olub :
2020-ci il - 70-ci yer
2021-ci il - 19 pillə geriləyib, 89-cu yer
2022-ci il - 4 pillə irəliləyib, 85 -ci yer
2023-cü il - 1 pillə irəliləyib , 84-cü yer
2024 -cü il - 4 pillə irəliləyib, 80-ci yer
Belə görünür ki, Azərbaycan bu reytinqdə hələ də 2020-ci ildəki vəziyyətini (70-ci yer) bərpa edə bilməyib. Görünür ki, digər ölkələrdə inkişaf tempi daha yüksəkdir .
Xatırladıram ki , bir neçə ildir ki ASAN StartupBlink qurumu ilə partnyorluq edir.
Azərbaycan ekosistemi ilə bağlı məlumatlar əsasən bu qurum tərəfindən təqdim edilir.
Startap ekosistem sahəsində əsas səlahiyyətli qurumlar olan İRİA və KOBİA-nın StartapBlinklə əməkdaşlığı gözə dəymir
Güman ki bu səbəbdən StartupBlink bazasınında Azərbaycanla bağlı məlumatlar əhatəli deyil.
Elə ölkə daxilində də bu dövlət qurumlarının ekosistemlə bağlı məlumatları həmişə ziddiyyətli olub, üst-üstə düşməyib.
StartupBlink şirkətinin Global Startup Ecosystem Hesabatı hər il hər bir ölkə üzrə ekosistemin müxtəlif sahələrini xarakterizə edən Kəmiyyət , Keyfiyyət və Biznes Mühiti indeksləri əsasında formalaşır.
Beləliklə, Azərbaycanın reytinqdə 4 pillə irəliləməsi müsbət addım olsa da, qazandığımız mövqe potensial imkanlarımız, ayrılan resurslar baxımından heç bir halda yetərli hesab oluna bilməz.
İRİA hələ də ölkədə startap və innovasiya sahəsində kordinasiyanı və resursları bir yerə cəmləşdirərək mühitin inkişafına yönəlik köklü dəyişikliklər edə bilməyib.
Daha böyük resurslara sahib olan İRİA-dan bu sahədə gözləntilər çoxdur.
Osman Gündüz
