Asiyanın İT şirkətləri “Kür” ilə birgə istehsal imkanları öyrənir

26-05-2015 / 17:21

Tayvanın “Acer” şirkəti “Kür” zavodunun portativ və planşet kompyuterlərin istehsalı sahəsindəki imkanları ilə tanış olub. Mingəçevırdə yerləşən zavodun infrastrukturu “Acer” şirkəti ilə müzakirə edilən bu cür təklifi nəzərə almağa imkan verir.

Xəbərlər-in verdiyi məlumata görə, bununla yanaşı, Cənubi Koreyanın LG şirkəti ilə işıq-diod işıqlandırma mənbələrinin (LED) istehsalı ilə əlaqədar danışıqlar aparılır. LG şirkətinin müvafiq şöbəsi də “Kür” zavodunun istehsal imkanları ilə yerində tanış olub. Əsas məsələ layihəyə xarici kapitalın cəlb edilməsindən və hazır məhsulun xarici bazarlara çıxarılmasından ibarətdir. Azərbaycan tərəfinin LG şirkəti ilə danışıqlarının predmeti layihə üçün biznes-strukturun yaradılması, eləcə də investisiyaların bölüşdürülməsi və hazır məhsulun satış perspektividir.

İşıq-diod işıqlandırma mənbələri adi közərmə lampalarından fərqli olaraq, sərf edilən elektrik enerjisinə 80 faizə qədər qənaət etməyə imkan verən ekoloji təmiz vasitə hesab olunur.

“Kür” zavodu Azərbaycan Respublikasının Rabitə və Yüksək Texnologiyalar Nazirliyinin “Teleradio” istehsal birliyi ilə “Sinam” şirkətinin birgə müəssisəsidir. Zavod 2005-ci ildə yaradılıb və Cənubi Qafqaz regionunda kompüter texnikası və elektrotexnikanın konveyer sistemi ilə istehsalı ilə məşğul olan yeganə istehsal müəssisəsidir. (AZƏRTAC)


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.