“Beynəlxalq mediada Azərbaycan mövzusu” müzakirə edilir-Foto

11-10-2016 / 14:02

Ulus Fondu Bakı Dövlət Universitetinin Jurnalistika Fakültəsi ilə birgə “ Beyəlxalq mediada Azərbaycan mövzusu: reallıqlar, problemlər, prespektiv vəzifələr” mövzusunda regional konfrans işinə başlayıb.

Xeberler.az-ın məlumatına görə, hazırda BDU-da  keçirilən konfransda bir sıra tanınmış ekspertlər çıxış edir.

Tədbiri giriş sözü ilə açan rektor, akademik Abel Məhərrəmov beynəlxalq mediada ölkəmizin maraqlarının müdafiəsindən, Azərbaycanın milli-mənəvi dəyərlərinin, dövlətçilik prinsiplərinin geniş media sferasında işıqlandırılmasının əhəmiyyətindən bəhs edib.

BDU-nun Jurnalistika fakültəsinin dekanı, professor Cahangir Məmmədli dövlətlərarası münasibətlərin yaxşılaşdırılmasında medianın rolu və Azərbaycan mövzusunun işıqlandırılması məsələlərindən danışıb. Bildirib ki, vahid informasiya məkanında Azərbaycan reallıqlarının beynəlxalq ictimaiyyətə çatdırılması, Dağlıq Qarabağ probleminin xarici mətbuatda işıqlandırılması ölkə mediasının prioritetlərindəndir.

Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, Azərbaycan Mətbuat Şurasının sədri, millət vəkili Əflatun Amaşov, “Yeni Azərbaycan” qəzetinin baş redaktoru Hikmət Babaoğlu, “525-ci qəzet”in baş redaktoru Rəşad Məcid və digərləri çıxış edərək Azərbaycan həqiqətlərinin beynəlxalq mediada işıqlandırılmasının vacibliyindən söz açıblar.

Qeyd edək ki, iki gün davam edəcək konfransa MDB ölkələrindən, o cümlədən Türkiyə və İrandan  media nümayəndələri qatılıb.

 

 

 

 

 

Qeyd edək ki, layihə Azərbaycanın beynəlxalq mediada maraqlarının müdafiəsini təmin etmək üçün ətraf ölkələrin kütləvi informasiya vasitələrinin tanınmış jurnalistlərini Bakıya dəvət edib.

Konfrans Qeyri-Hökumət Təşkilatlarının Dövlət Dəstəyi ilə keçirilir.

Tədbir iki davam edəcək. Sabah konfransın bağlanış mərasimi baş tutacaq.

 

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.