Çatdırılma şirkətinə qarşı iş başlanıb: Qlobal brendlər “Wolt”-la separat sövdələşmələrə gedib?

23-04-2021 / 10:47

“Antiinhisar Dövlət Xidməti aparılan araşdırma ilə “Wolt” şirkətinin bazarda əsassız üstünlük qazanmaq məqsədilə haqsız rəqabətə yol verdiyini açıqlayıb”.

Xeberler.az bildirir ki, bunu “Multimedia” İnformasiya Sistemləri və Texnologiyaları Mərkəzin rəhbəri Osman Gündüz bildirib:

“Onun haqqında antiinhisar qanunvericiliyin pozulması üzrə iş başlanıb. Qurumun hansı pozuntulara yol verdiyi hələlik açıqlanmayıb”.

Osman Gündüzün sözlərinə görə, Azərbaycanda bir neçə sahə var ki, orada ciddi rəqabət hökm sürür:

“Bunlardan biri də çatdırılma (kuryer) şirkətlərinin fəaliyyət göstərdiyi sahədir. Azərbaycanda son zamanlar çatdırılma şirkətlərinin sayı xeyli artıb. Hazırda COVİD-19 səbəbindən bu tip xidmətlərə tələbat artıb, bizim bazarda “Wolt”, “BoltFood”, “Glovo”, “Fonibo”, “Tuk-Tuk”, “Hungry”, “189Delivery”, “Zənbil” və s. çatdırılma şirkətləri fəaliyyət göstərir. İstifadəçilər bu şirkətlərin müxtəlif tətbiqlərindən istifadə etməklə market və restoranlardan müxtəlif məhsulları seçir və müxtəlif ünvanlara çatdıra bilirlər. Maraqlıdır ki, “Wolt”, “BoltFood”, “Glovo” kimi beynəlxlaq şirkətlərin də yerli kuryer bazarına daxil olması daxili rəqabəti xeyli gücləndirib. Ölkəmizin yemək bazarında çalışan beynəlxalq brendlərin (McDonalds və s.) çatdırılma ilə bağlı yerli deyil, beynəlxalq şirkətlərə üstünlük verməsi, separat sövdələşmələr - daha üstün biznes şəraitin yaradılması yerli çatdırılma şirkətlrinin bazara daxil olmasını da xeyli çətinləşdirir.

Buna baxmayaraq, son zamanlar bu bazara milli çatdırılma şirkətimiz olan “Fonibo” da daxil ola bilib. Qısa zamanda innovasiyalar və effektiv həll tətbiq etməklə genişlənə bilib və xeyli xarici investisiyalar da əldə edib”.

Mütəxəssis qeyd edir ki, güman etmək olar ki, yemək bazarında olan qlobal brendlərin “Wolt”-la mümkün separat sövdələşmələrlə haqsız rəqabətə yol verməsi də Antiinhisarın araşdırmalarına səbəb olub.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.