Daşınan qurğuların satışı 200 faiz artıb

06-06-2015 / 12:30

Daşınan elektron qurğular bazarında ardıcıl səkkizinci rübdür stabil artım qeydə alınır. Bu barədə “International Data Corporation” (IDC) tədqiqat şirkətinin hesabatında deyilir.

 Xeberler.az RYTN-nin rəsmi saytına istinadən məlumat verir ki, bu ilin birinci rübündə satılan daşınan qurğuların sayı 11,4 milyon ədədə çatıb ki, bu da ötən ilin dördüncü rübündən 200 faiz (3,8 milyon ədəd) çoxdur.

 Şirkətin daşınan qurğular bölməsinin elmi rəhbəri Ramon Lamasın sözlərinə görə, daşınan qurğulara tələbatın artması istehsalçıların müxtəlif qurğular buraxa bilmək qabiliyyətinə malik olmasından xəbər verir.

 “IDC”-nin baş analitiki Cayteş Ubrani daşınan qurğuların qiymətinin xeyli aşağı düşməsini qeyd edib.

 “İndi biz görürük ki, qurğuların 40 faizindən çoxunun qiyməti 100 dollardan aşağıdır və bu, beş əsas istehsalçının cari ilin yanvar-martında bazarda ümumi payını ötən ilin birinci rübündəki üçdə iki hissədən üçdə dörd hissəyədək artırmasının səbəblərindən biridir”, - o bildirib.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.