İKT TƏHSİL

“Dissernet fırıldaqçı, saxtakar və yalançı alimlərlə mübarizə aparan, onları ifşa edən ekspert, tədqiqatçı və reportyorların azad şəbəkə cəmiyyətidir”.

Bu barədə AMEA İnformasiya Texnologiyaları İnstitutunun baş elmi işçisi, texnika üzrə fəlsəfə doktoru, dosent Ramiz Şıxəliyev Xeberler.az-a şəbəkə haqda məlumat verərkən deyib. 

O, qeyd edib ki, bu cəmiyyətin fəaliyyəti, əsasən, Rusiya elm və təhsil müəssisələrində müdafiə edilmiş fəlsəfə və elmlər doktoru dissertasiyalarının ictimai ekspertizasının həyata keçirilməsindən ibarətdir.

“Dissernet-in tarixi haqqında məlumat verən R.Şıxəliyev qeyd edib ki, Almaniyadakı oxşar VroniPlag  layihəsi əsasında yaradılmış bu cəmiyyət 2013-cü ilin yanvar ayında fəaliyyətə başlamyıb.  Həmin il fevralın 20-də isə www.dissernet.org saytı istifadəyə verilib:

“Dissernet-in məqsədi elmi işçilərin qanunla təsbit edilmiş attestasiya qaydalarının, həmçinin elmi dərəcələrin verilməsi qaydaları və reqlamentlərinin kobud şəkildə pozulması hallarının aşkarlanmasıdır. Dissernet həmçinin ekspertiza yolu ilə bu kimi pozuntuların aşkarlandığı dissertasiyaların müdafiəsi nəticəsində alınmış diplomları qanunsuz sayır və ləğv olunmalı olduğunu bildirir”.

R.Şıxəliyevin məlumatına görə, Dissernet-in tədqiqatları Rusiyanın bütün kateqoriyadan olan vətəndaşlarına bərabər şəkildə tətbiq edilir. Cəmiyyətin iştirakçıları öz təşəbbüslərinə əsasən könüllü fəaliyyət göstərirlər.

Dosent qeyd edib ki, Dissertent iki il ərzində 50 min avtoreferat və 12 min dissertasiyanın tam mətnini analiz edib, nəticədə 3,2 min plagiat dissertasiya aşkar edilib.

Günel