E - HÖKUMƏT

"ASAN" və Rəqəmsal İnkişaf və Nəqliyyat Nazirliyi arasında "eGov" infrastrukturunun təhvil-təslimi başa çatıb.

Azərbaycan İnternet Forumunun prezidenti, ekspert Osman Gündüz məsələni Xeberler.az-a şərh edərkən dyib ki, "eGov" sahəsi ilə əlaqəli əsas informasiya resurslarının ana səhifələrində olan dəyişikliklər də bunu deməyə əsas verir.
Artıq buradakı loqolar yenilənib.

"Məlum olduğu kimi, ötən ilin 24 noyabr tarixində Prezident fərmanı ilə aşağıdakılar ASAN-nın balansından RİNN balansına verilib :

- Elektron Hökumət İnformasiya Sistemi

- “Elektron hökumət” portalı
-“MyGov” portalı
-“Rəqəmsal icra hakimiyyəti” portalı,
- Milli Məlumat Mübadiləsi sistemi (“ASAN Bridge”) - Vahid Giriş Sistemi (“ASAN Login”)
-“ASAN Finans” sistemi
- “Dövlət informasiya ehtiyatlarının, sistemlərinin və elektron xidmətlərin vahid reyestri”
- İnformasiya Mənbələrinin Reyestri
-“İcazələrin alınması və monitorinqi sistemi”, habelə həmin sistem və reyestrlərlə əlaqəli olan digər əsas və yardımçı informasiya sistemləri

Adı çəkilən fərmana görə RİNN-nin İnnovasiya və Rəqəmsal İnkişaf Agentliyi eGov-un ona birləşməsindən sonra yenidən formalaşmalıdır. Hazırda bu proses gedir və bu fərmana görə qarşıdakı bir ay ərzində yeni qurumun formalaşması başa çatdırılmalıdır".

Onun sözlərinə görə, müşahidələr göstərir ki, artıq İRİA da Badamdardakı ofisini tərk edərək "eGov" Mərkəzinin Gənclik metrosu yaxınlığındakı inzibati binasına köçüb. "İNNOLAND" da bu binanın birinci mərtəbəsindəki ofisindən çıxdığına görə hazırda bu inzibati bina tam olaraq yeni səlahiyyətlər əldə edən İRİA -nın ixtiyarındadır.

""eGov" sahəsində isə həllini gözləyən xeyli problemlər var. Ümid edirəm yeni qurum və yeni komanda yeni ofisdə rəqəmsal transformasiya və rəqəmsal hökumət quruculuğu proseslərini xeyli sürətləndirəcək və mövcud problemləri tez bir zamanda həll edəcək",- deyə Osman Gündüz qeyd edib.