Ekspert: Moskvada baş tutan görüşün nəticələrinə görə uduzan tərəf hələki Gürcüstandır

12-01-2021 / 14:01
"Ötən gün Moskvada baş tutan görüşün nəticələrindən birisi: uduzan tərəf hələlik Gürcüstan ola bilər".
 
Xeberler.az bildirir ki, bu sözləri dünən Moskvada baş tutan üçtərəfli görüş barədə Azərbaycan İnternet Formunun Prezidenti Osman Gündüz şərh edərkən deyib.
 
Ekspertin sölərinə görə, həm 10 noyabr Bəyanatı həm də dünən Moskvada baş tutan görüşdə imzalanan Bəyanat bölgədə kommunikasiya baxımından yeni reallıqlar yaradır.
 
"İndiyədək Azərbaycanı qlobal dünya ilə bağlayan kommunikasiyalar əsasən Gürcüstan üzərindən idi. Kifayət qədər də çətinliklərlə başa gəlirdi. Son anlaşmalara görə artıq Azərbaycan Ermənistan ərazisindən, Mehri rayonundan istifadə eməklə Naxçıvana koridior əldə edir. Naxçıvandan isə Türkiyəyə və bütün dünyaya yollar açıqdır. Belə olan halda maraqlı sual ortaya çıxır.
 
Bundan sonra Azərbaycanın qlobal marşrutlarının, kommunikasiya və nəqliyyat xərlətrinin Gürcüstan üzərindən yoxsa Ermənistan üzərindən məlum koridorla Türkiyəyə istiqamətlənməsi sərfəli olar ?
 
Osman Gündüz bildirib ki, xərclər baxımından ikinci variant daha məqbuldur
 
"Məlumat üçün bildirim ki, son zamanlar Gürcüstan hökuməti Azərbaycanın qlobal layihələrinə qarşı ciddi maneçiliklər yaradır. AzerTelecom şirkəti “Rəqəmsal İpək Yolu” və onun bir hissəsi olan “Azerbaijan Digital Hub” proqramı çərçivəsində Avropa, Qafqaz, Mərkəzi Asiya və Çini vahid optik-lifli magistralla birləşdirməyi nəzərdə tutan qlobal layihə icra edir.
 
Bu məqsədlə artıq Xəzərin dibi ilə fiber optik xətt çəkilməsini nəzərdə tutan TransXəzər layihəsi üzrə Qazaxstan və Türkmənistan ilə hökumətlərarası müqavilələr bağlanıb.
 
AzerTelecom 2019-cu ildə bu layihənin icrası məqsədilə, Qara dənizin dibi ilə optik xəttə sahib olan Gürcüstanın “Caucasus Online” telekommunikasiya şirkətinin səhmlərini, bütün mövcud proseduralara əməl etməklə alir. Lakin Gürcüstan hökuməti sonradan, qanunvericiliyə dərhal dəyşiklik edərək bu müqaviləni şübhə altına alır, Azərbaycana məxsus olan şirkəti qanunsuz yolla ələ keçirir və indiyədək də Azərbaycan və bütün region üçün əhəmiyyətli olan bu global layihənin reallaşmasına imkan vermir.
 
Xatırlayıram ki, Gürcüstan tərəf öz maraqları üçün Bakı –Tbilisi-Ceyhan və digər kommunikasiyalarda da bizə xeyli maneçiliklər ediblər. Düşünürəm ki, Ermənistan koridoru Azərbaycan üçün, elə Türkiyə üçün də yeni kommunikasiyalar baxımından daha üstün və daha əlverişli şərait yarada bilər.
 
Fikrimcə, Gürcüstan tərəf üç dövlət arasında dünən baş tutan razılaşmadan sonra itirəcəklərini anlayaraq Azərbaycana qarşı olan mövqeyində xeyli düzəlişlər edəcək.
 
İstənilən halda, düşünürəm ki, AzerTelecom şirkətinin adı çəkilən qlobal layihənin TransXəzər hissəsinin davamını Gürcüstan vasitəsilə Qara Dənizin dibi ilə deyil, elə yeni yaranan Ermənistan koridoru boyunca da davam etdirilməsi məsələsini nəzərdən keçirməsi indiki anda doğru olardı".
 
Şəkilin açıqlaması yoxdur.
 
 
 
 
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.