Gürcüstan Azərbaycana satdığı şirkətdən niyə əl çəkmir?

06-05-2021 / 19:03

Xəbər verildiyi kimi ötən gün Prezident İlham Əliyev ölkəmizdə səfərdə olan Gürcüstanın Baş naziri İrakli Qaribaşvilini qəbul edib.

Güman ki, görüşdə həm də "Caucasus Online" problemi müzakirə olunub.

Xeberler.az bildirir ki, məsələni Azərbaycan İnternet Forumunun prezidenti Osman Gündüz şərh edib.

O, bildirib ki, 2 ildir Gürcüstan hökumətinin Azərbaycanın NEQSOL şirkətinin qanuni əsaslarla səhmlərini aldığı “Caucasus Online” şirkətinə öz nümayəndəsini təyin etməklə alqı-satqının reallaşmasına imkan vermir:

“Hazırda NEQSOL beynəlxalq məhkəmələrdə bu problemin hüquqi müstəvidə həllinə çalışır. NEQSOL şirkəti Asiya və Avropa arasında "Rəqəmsal İpək Yolunun" çəkilməsini nəzərdə tutan "Azerbaijan Digital Hub" proqramını icra edir. Söhbət Çinlə Avropanı birşədirən rəqəmsal dəhlizdən gedir. NEQSOL şirkəti Qara dənizin dibi ilə 1200 km optik xəttə sahib olan “Caucasus Online” şirkətini almaqla Azərbaycanı regionun və dünyanın rəqəmsal mərkəzinə çevrilməsini nəzərdə tutub.

Artıq bu proqram çərçivəsində Xəzərin dibi ilə Qazaxstan və Türkmənistana optik xətlərin çəkilişi ilə bağlı hökumətlərarası sazişlər də qüvvəyə minib.

Ümid edirəm Prezident İlham Əliyevin Gürcüstana səfərinədək "Caucasus Online" problemi həllini tapacaq”, deyə Osman Gündüz əlavə edib.


ŞƏRHLƏR


OXŞAR XƏBƏRLƏR







sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə