Ekspert: Qırğızıstan internetində anonimlik ləğv olunur

01-09-2021 / 15:43
"Xatırlayıram ki, bir neçə il öncə Siyavuş Novruzov parlamentdəki müzakirələrin birində sosial şəbəkələrdə şərh yazmaq üçün şəxsiyyət vəsiqəsi ilə qeydiyyatın vacibliyini bildirmişdi. Siyavuş müəllimin dedikləri yerinə yetirildi, amma Qırğızıstanda".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Ekspertin sözlərinə görə, artıq Qırğızıstanda buna oxşar situasiya formalaşmaqdadır. Bir neçə gün öncə bu ölkədə bir xeyli mübahisələrə səbəb olan “Saxta informasiyalardan qorunma” haqqında qanun qəbul edilib. Xatırlayıram ki, ötən il bu Qanunu Qırğızıstan prezidenti imzalamadan geri qaytarmışdı.
 
"Qırğızıstanın vətəndaş cəmiyyəti bu qanunun konstitusiyaya və insan hüquqlarına zidd olduğunu bildirib, internet üzərində senzura olaraq dəyərləndirib. Qanunda internetdə vətəndaşların şərəf və ləyaqətinin qorunması adı altında müddəlar nəzərdə tutulub.
 
Məsələn, ictimai yerlərdə Wi-Fi şəbəkəsinə qoşulmaq istəyənlərdən şəxsi məlumtlar da tələb olunacaq. Qanuna görə Provayderlər internetə daxil olmaq istəyənləri indentifikasiya edə bilər. İnternet resurs sahibləri mütləq olaraq hər yerdə öz adlarını və ünvanlarını dəqiq qeyd etməlidirlər.
 
Həmçinin vətəndaş saxta olmasını güman etdiyi saytların və internet səhifələrin bağlanmasını tələb edə bilər. Bu tip resuslar məhkəmənin qərarı olmadan da bağlana biləcək və s".
 
Osman Gündüz bildirib ki, Beynəlxalq normalara, fundamental insan hüquq və azadlıqlarına zidd olan, anonimliklə bağlı icrası problemli olan bu tip qanunun qəbulundan sonra bu ölkədə bütün qlobal sosial media resurslarının bloklanacağını da gözləmək olar.
 
2Yeri gəlmişkən, bir müddət öncə onların qonşularında da internetlə bağlı qeyri-adi dəyişikliklər qəbul edilib.
 
Türkmənistanın xüsusi xidmət qurumları bu ölkədə internet istifadəçilərdən Qurana and içməyi tələb edirlər ki, internetdə işləyərkən VPN-dən istifadə edilməyəcək.
Hansı ki , Türkmənistan hakimiyyəti illərdir Facebook, YouTube, Twitter daxil olmaqla xeyli sayda internet resursları bloklayıb".
 
 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə