Siyavuş Novruzovun saxta Facebook səhifəsi bağlanıb

02-09-2015 / 15:55

“Hüquq-mühafizə orqanlarına müraciət etdim və sosial şəbəkələrdə mənim adımdan istifadə edilərək  açılan əsas saxta profillərdən biri artıq bağlanıb”.

Bunu Xeberler.az-a açıqlamasında hakim Yeni Azərbaycan Partiyasının (YAP) icra katibinin müavini, Milli Məclisin deputatı Siyavuş Novruzov bildirib.

Deputat vurğulayıb ki, internetdən sui-istifadə etmək olmaz: “İctimai-siyasi həyatda internetdən çox yaxşı şəkildə bəhrələnmək olar. Qarşıdan seçkilər gəlir və sosial şəbəkələr vasitəsilə səsvermə zamanı insanlara çağırışlar etmək olar. Amma təəsüf ki, sosial şəbəkələrin müsbət tərəfləri ilə yanaşı, mənfi tərəfləri də var. Azərbaycanda olan internet azadlığı  dünyanın heç bir yerində yoxdur. İstənilən şəxs istədiyi vaxt profil açıb dini, etnik, antidövlət, çağırışlar edə bilir. Sosial şəbəkələrin mənfi tərəfi budur və bütün bunların qarşısının alınması üçün dövlət tərəfindən addımlar atılmalıdır”.

Qeyd edək ki, bir neçə ay öncə Siyavuş Novruzovun adına  Facebook sosial şəbəkəsində  daha bir saxta profil səhifəsi açılmışdı.  Deputat bununla bağlı dəfələrlə mətbuata açıqlama da verib və bildirib ki, həmin səhifədən edilən paylaşmaların və açıqlamaların ona heç bir aidiyyatı yoxdur.

Məlum olduğu kimi, Azərbaycan qanunvericiliyinə görə, internetdə , o cümlədən sosial mediada hüquq pozuntularına və cinayətkarlığa qarşı mübarizə sahəsində səlahiyyətli qurumlar  Milli Təhlükəsizlik Nazirliyi və Daxili İşlər Nazirliyidir.

 

Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.