Dövlət məmurlarını şəbəkə saxtakarlığından necə qorumalı?

01-04-2013 / 21:59
Son vaxtlar sosial şəbəkələrdən birində Azərbaycan Respublikasının daxili işlər naziri Ramil Usubovun adına daha bir saxta profil açılıb. Bir müddət əvvəl də Ramil Usubovun adına  "Facebook" iki saxta profil yaradılmış və həmin profillərdə müxtəlif məzmunlu məlumatlar yerləşdirilmişdi. Sonradan onları yaradanlar müəyyən edilərək barələrində müvafiq tədbir görülüb.
Bəs belə halların qarşısını almaq üçün hansı addımlar atılmalıdır? 
Azərbaycan İnternet Forumun prezidenti Osman Gündüz Publika.Az-a açıqlamasında bildirib ki, dövlət qurumlarının və məmurların adına sosial şəbəkələrdə saxta hesabların açılmaması  üçün bir neçə addım atılmalıdır: “Birinci addım olaraq maraqlı tərəflər, yəni adına saxta hesablar açılmış şəxslər adiyyatı qurumlara, məhkəmələrə ya da Milli Təhlükəsizlik Nazirliyinə (MTN) müraciət etməlidir. Çünki Azərbaycanda internetlə bağlı məsələlərdə tədqiqat aparmaq MTN-ə tapşırılıb. Başqa bir qurum, məsələn Daxili İşlər Nazirliyi (DİN) bununla məşğul ola bilməz. Daha sonra “Facebook”un administirasiyası ilə əlaqə saxlamaq olar. Bu uzun proses olsa da, xeyri ola bilər. 
O. Gündüz bildirib ki,  məmur, hər hansı nazir adına saxta profilin açılmasını istəmirsə, özü sosial şəbəkələrdə hesab açıb cəmiyyətə təqdim etməlidir: “Dövlət qurumları öncə özləri sosial şəbəkələrdə səhifələrini açmalıdırlar. Belə olduğu halda açılan saxta profillər problem yaratmayacaq. Çünki hər kəs biləcək ki, saxta profil hansıdır, gerçəyi hansıdır”.
  
O bildirib ki, prezidentin sərəncamı ilə dövlət internet resurslarının  qorunması ilə bağlı səlahiyyəti Azərbaycan Respublikasının Xüsusi Dövlət Mühafizə Xidmətinə verilib. Və bununla bağlı Xüsusi Rabitə və İnformasiya Təhlükəsizliyi Departamentinin bazasında Dövlət Agentliyi yaradılıb:
“Bir qədər sonra prezidentin bunla bağlı daha bir fərmanı oldu. Ümumiyyətlə, dövlət qurumlarının internet resursları yalnız bu serverdə yerləşməlidir. Daha sonra dövlət qurumların saytını necə olması ilə bağlı standartlar qəbul olundu. Dövlət son bir-iki ildə internet resursları ilə bağlı xeyli hüququ normativ baza təkmilləşdirib”. 
Osman Gündüz Dövlət Agentliyinin fəaliyyətini izlədiyini bildirib:"Əvvəllər dövlət qurumlarını saytı ayrı-ayrı ölkələrdə və hostinqlərdə yerləşirdi. İndi isə əksər saytlar   Azərbaycandakı hostinqlərdədir. Bu birinci addımdır. Əvvəllər daha çox dövlət qurumlarının  saytı dağıdılırdı. Son zamanlar saytların dağıdılmasında azalma müşahidə olunur.  Amma bütün saytların burada olmaması problemdir. Yəni bu qurum bütün saytlara görə məsuliyyət daşısa da, sayt başqa yerdədir və onlara adiyyatı yoxdur. 
O, ikinci ciddi problem isə saytların qorunması ilə bağlı sərəncamların olmasına baxmayaraq, saytın informasiya bazasının necə formalaşması haqqında heç nə bir göstərişin verilməməsini olduğunu deyib:  “Hansısa dövlət qurumunun saytı Dövlət Agentliyinın nəzarətində olmalıdır. Saytın arxasında həm də informasiya bazası var. Saytlarla informasiya sistemi ayrıdır. Saytların qorunması ilə bağlı sərəncamlar olsa da, saytın informasiya bazasının necə formalaşması haqqında heç nə yoxdur.  
Bir neçə gün öncə Tələbə Qəbulu Komissiyasının saytına girişində problem yaranmışdı. Saytın özündə problem yox idi, problem informasiya sistemində yaranmışdı. Bu səbəbdən saytı işləmirdi. Hesab edirəm ki,  bu problemin həlli haqqında da düşünmək lazımdır”.   
Sədan, publika.az
 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.