Galaxy Note 7 smartfonları niyə partlayıb?–Rəsmi

23-01-2017 / 12:13

Samsung şirkəti Galaxy Note 7 smartfonlarının partlama səbəbini açıqlayıb.

Xeberler.az şirkətin məlumatına istinadən bildirir ki  Galaxy Note 7 smartfonlarının akkumulyatorlarının alışmasına səbəb onların planlaşdırılması və istehsalı zamanı yaranan nasazlıq olub. 

Samsung rəsmisi bildirib ki, şirkət Galaxy Note 7 smartfonlarını satışa çıxarmazdan öncə mümkün problemləri aradan qaldıra bilməməsi ilə bağlı məsuliyyəti öz üzərinə götürür.

Məlumata görə, bu kimi hadisələrin təkrarlanmaması üçün kənar konsultant və ekspertlərdən ibarət işçi qrup yaradılıb.

Şirkətin mühəndisləri müstəqil təşkilatların mütəxəssisləri ilə birgə  bu problemin səbəbini müəyyənləşdirmək üçün 200 mindən çox qurğu və 30 min akkumulyatoru araşdırıb. Məlum olub ki, akkumulyatorların layihələşdirilməsi və qurğuların yığılması üzrə texnoloji prosesdə buraxılmış səhvlər nasazlıq yarada bilər.

Daha öncə Samsung bu modelin sahiblərinə telefonu dəyişdirməyi və ya qaytarmağı təklif etmişdi. Yalnız ABŞ-da satılmış telefonların 93%-i qaytarılmışdı, lakin təxminən 133 min qurğu hələ də sahibindədir.

Galaxy Note 7 smartfonları 2016-cı il avqustun 19-da Cənubi Koreyada satışa çıxarılıb.  Sentyabr ayının başlanğıcında isə təxminən 2,5 milyon smartfonun enerji ilə yüklənmə zamanı partlaması haqqında xəbərlər yayılıb.  Çoxsaylı partlama səbəbindən Samsung korporasiyası öncə smartfonun satışlarını, sonra isə istehsalını dayandırıb.

Günel

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.