GRENA-nın yubileyi münasibətilə tədbir keçirilib

18-09-2019 / 12:08

Gürcüstanın paytaxtı Tbilisi şəhərində Elm və Təhsil Şəbəkəsinin (GRENA) yaradılmasının 20-ci ildönümünə həsr edilən təntənəli yubiley tədbiri keçirilib.

Xeberler.az bildirir ki, Yubiley tədbirində ölkəmizi İnformasiya Texnologiyaları İnstitutunun Beynəlxalq əlaqələr şöbəsinin müdiri, texnika üzrə fəlsəfə doktoru Babək Nəbiyev və İnstitutun baş mütəxəssisi Tural Mustafayev təmsil ediblər.

Səfər çərçivəsində GRENA-nın icraçı direktoru, professor Ramaz Kvatadze ilə görüşən B.Nəbiyev və T.Mustafayev AMEA-nın vitse-prezidenti, İnformasiya Texnologiyaları İnstitutunun direktoru, akademik Rasim Əliquliyevin və İTİ-nin kollektivinin yubiley təbrikini çatdırıblar.

Görüşdə AzScienceNetlə əməkdaşlıqdan məmnunluğunu ifadə edən R.Kvatadze, Gürcüstanla Azərbaycan arasında hər bir sahədə olduğu kimi, elm və təhsil sahəsində də ikitərəfli əlaqələrin gündən-günə inkişaf etdiyini vurğulayıb.

Sonda professor Ramaz Kvatadzeyə GRENA-nın 20 illik yubileyi münasibətilə Azərbaycan mədəniyyətini və tarixini özündə əks etdirən hədiyyələr təqdim olunub.

Daha sonra təntənəli yubiley tədbiri keçirilib. Tədbirdə çıxış edən Babək Nəbiyev deyib: “Geniş GEANT ailəsinin üzvlərindən olan AzScienceNet və GRENA demək olar ki, eyni illərdə – ötən əsrin 90-cı illərinin əvvəllərində yaranıb. Artıq uzun müddətdir ki, Azərbaycan və Gürcüstan Elm Kompüter Şəbəkələri arasında münasibətlər yüksələn xətt üzrə davam edir. 2015-ci ildə həyata keçirilən EapConnect (Eastern Partnership Connect) layihəsi bu münasibətlərin daha da genişlənməsinə zəmin yaradıb”.

Qeyd edək ki, yubiley tədbiri qonaqların şərəfinə təşkil olunan ziyafət, həmçinin konsert proqramı ilə davam edib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə