E-TİCARƏT

Azərbaycanın ilk onlayn xidmətlər platforması – Hesab.az artıq 11 ildir ki, insanları rahat və sürətli ödəniş imkanları ilə təmin edir.

Xeberler.az bildirir ki, Hesab.az, 14 Aprel 2011-ci tarixində GoldenPay şirkəti tərəfindən onlayn ödəniş portalı olaraq yaradıldı. Hesab.az dövrünün innovasiyası olmaqla insanları sadə və sürətli ödəniş ilə tanış etdi, “Vaxtınıza dəyər verin” şüarı ilə 680 mindən çox istifadəçini öz ətrafında topladı.

Platforma 11 illik inkişaf yolunda dünyada baş verən texnoloji yenilikləri ölkəmizdə ilk olaraq tətbiq etməyə davam edir. Fəaliyyətinin ilk illərində 30-a yaxın xidməti əhatə edən platformada, hazırda 200-ə yaxın xidmət mövcuddur. 400-dən çox partnyor şirkət ilə əməkdaşlıq edən Hesab.az, artıq sadəcə ödəniş portalı deyil, həm də Azərbaycanın ən böyük onlayn xidmətlər platfomasıdır.

Yarandığı zamanlarda onlayn ödəniş bazarında ilk şirkət olmaqla insanlarda onlayn ödəmə bacarıqlarının formalaşmasına öz töhfəsini vermişdir. İnsanlarda yaratdığı onlayn ödəniş vərdişinin yüksək tələblərinə uyğunlaşaraq, fəaliyyət istiqamətini ildən-ilə genişləndirir. Bu gün Hesab.az sadəcə kommunal və digər tez-tez edilən aylıq ev ödəmələrini deyil, həm də bank və mağaza kreditləri, sığorta alışı, dövlət, təhsil, parkinq, taksi ödənişləri, onlayn bankçılıq, aviabilet və otel təklifləri kimi bir çox xidmətləri təqdim edir.

Yaxın aylarda istifadəçilərini müxtəlif yeniliklərlə təəccübləndirmək üçün həvəslə çalışan Hesab.az komandası, istifadəçilərinin rəylərindən daim stimul alırlar.

Hesab.az, 11 illiyi münasibəti ilə Facebook və İnstagram hesablarında müsabiqə həyata keçirir. Ətraflı: https://bit.ly/38QGx1X

GoldenPay/Hesab.az şirkətinin fəaliyyəti və kampaniya haqqında daha ətraflı məlumatı www.hesab.az saytından, *0713 Çağrı Mərkəzindən və ya platformanın rəsmi sosial media səhifələrindən əldə etmək olar.