TƏHLÜKƏSİZLİK

Kaspersky tərəfindən aparılan sorğu* nəticəsində məlum olub ki, 2021-ci ildə şirkətlər təcrübəli mütəxəssis çatışmazlığını aradan qaldırmağı və İT və kiber təhlükəsizlik funksiyalarını xarici mənbələrə verərək büdcəyə qənaət etməyi planlaşdırırlar.

Xeberler.az bildirir ki, mütəxəssislərin gördükləri daha bir neçə tendensiya bunlardır:

1. uzaqdan iş formatına kütləvi keçidlə əlaqədar olaraq ənənəvi iş mühitinin qorunması artıq kifayət etmir, ev ofislərini də nəzərə almaq vacibdir. İş sahəsinin təhlükəsizlik səviyyəsini skan etmək üçün alətlərdən istifadə etmək lazımdır - proqram boşluqlarını axtarmaqdan tutmuş qorunmayan Wi-Fi nöqtəsinə qoşulmağa qədər. Həmçinin, daha geniş yayılmış VPN, imtiyazlı giriş nəzarəti, çox faktorlu identifikasiya sistemləri, daha sərt monitorinqin tətbiqi və kiber hadisələrə cavab vermək üçün mövcud planların yenilənməsi tələb olunur;

2. xidmət modelləri daha az investisiya ilə lazımi kiber təhlükəsizlik səviyyəsini təmin etməyə imkan verir. Kaspersky-yə görə dünyada böyük şirkətlərin 69%-i MSP və ya MSSP modeli əsasında fəaliyyət göstərməyi planlaşdırır. Bu investisiyaları minimuma endirməyə və xərcləri kapitaldan əməliyyatlara köçürməyə imkan verəcək.

3. daxili İT mütəxəssisləri üçün təlimlərə idarəetmə bacarıqları təhsili də daxil edilməlidir. Kiber təhlükəsizlik sahəsində tez-tez dar ixtisaslaşdırılmış mütəxəssislər tələb olunur ki, onları tapmaq müəssisələrə olduqca baha başa gəlir. Bu vəziyyətdə autsorsinq (outsourcing) kömək edə bilər. Bununla birlikdə əsas kiber təhlükəsizlik komponentlərini xarici şirkətlərə təhvil verən şirkətlər bu funksiyaları tənzimləyə bilmək üçün daxili komandaların idarəetmə bacarıqlarını da inkişaf etdirməlidir;

4. bulud xidmətlərinə tələb artmaqdadır və buna görə də onların qorunmasına ehtiyac var. Kaspersky-nin apardığı sorğuya görə, dünyadakı təşkilatların böyük əksəriyyətində (böyük şirkətlərin 89% -i və kiçik şirkətlərin 92% -i) işçilər tərəfindən sosial şəbəkələr, messencerlər və ya digər tətbiqetmələr kimi qeyri- korporativ proqramlar və bulud xidmətləri istifadə olunur. Korporativ məlumatların təhlükəsizliyini qorumaq üçün bulud xidmətlərinə keçidin necə baş verdiyini daha
dəqiq izləməlisiniz. Kiber təhlükəsizlik qrupu üzvləri bu prosesləri həll etməli və buludu idarə etmə və təmin etmə bacarıqlarını inkişaf etdirməlidirlər.

“Bu gün biznes təmsilçiləri əmindirlər ki, korporativ təhlükəsizlik yüksək keyfiyyətli
olmalıdır və bu əvəzolunmaz və məcburi şərt kimi qəbul edilir. Üstəlik, getdikcə daha çox müştərinin fərqli korporativ təhlükəsizlik komponentlərini eyni tədarükçüdən tətbiq etməyi planlaşdırdığını görürük. Əvvəllər, bir çoxları maksimum qorumanın yalnız fərqli satıcıların ixtisaslaşdırılmış həllərinin birləşdirilməsi ilə əldə edilə biləcəyinə inanırdılar.

Ancaq indi şirkətlər eyni markanın fərqli təhlükəsizlik texnologiyaları arasında vahid bir yanaşma və mümkün olan ən yüksək inteqrasiya üçün çalışır,” deyə Kaspersky-nin Azərbaycandakı nümayəndəsi Müşviq Məmmədov bildirib.