“Kaspersky zərərli hədəf hücumlarına qarşı əks-mühəndislik tədbirləri üzrə onlayn kurs təqdim edir…”

19-04-2021 / 10:27

Kaspersky onlayn təlim portfelini genişləndirir və GReAT (qlobal təhlükə tədqiqatı və təhlili mərkəzi) tədqiqatçıları olan kiber təhlükəsizlik mütəxəssisləri Denis Legezo və İvan Kvyatkovski tərəfindən aparılan əks-mühəndislik kursuna başlayır. Onlayn kurs zərərli proqram təhlili barədə baza biliklərinə sahib olanlar üçün nəzərdə tutulub. Proqram özünü maarifləndirmə nəzərdə tutur, fərdi İT mütəxəssislərinə və bütöv komandalara əks-mühəndisliyin tətbiqi bacarıqlarına yiyələnməyə imkan verir.

Kaspersky tərəfindən aparılan bir sorğuya görə, informasiya təhlükəsizliyi üçün büdcəsini artırmağı planlaşdıran iri müəssisə nümayəndələrinin 41%-i bu sahədəki mütəxəssislərin ixtisaslarının artırılması ehtiyacından anoloji addımı atmağa qərar verirlər. Onlayn kurs proqramına addım-addım izah ehtiva edən 50-dən çox video təlimat daxildir. Burada GReAT mütəxəssisləri tərəfindən araşdırılan, APT qrupları MontysThree, LuckyMouse və Lazarus-un iştirakı ilə baş vermiş son 10 kiber hadisə ətraflı təhlil edilir. Kurs həmçinin iştirakçıların çoxsaylı alətlərdən - IDA Pro, Hex-Rays Decompiler, Hiew, 010Editor və digər proqramlardan istifadə edərək mürəkkəb hədəf hücumlarını hərtərəfli təhlil edə biləcəyi virtual laboratoriya şəraitində 100 saatlıq təcrübəni də əhatə edir.

Təlim bitdikdən sonra mütəxəssislər müxtəlif proqramlaşdırma dillərində və ya ssenari dillərində yazılmış nümunələri analiz etməyə qadir olacaqlar. Onlar həmçinin zərərli proqramlar üzrə qarışıq və ya şifrələnmiş məzmunu işləyə və yığım prosesləri barədə dərin məlumat əldə edə biləcəklər.

Onlayn kursun materialları altı ay ərzində mövcud olacaq, beləliklə də, onları rahat bir tempdə öyrənmək mümkün olacaq. Proqram həm fərdi, həm də korporativ təlim formatında keçirilməyə köklənib. Kurs informasiya təhlükəsizliyi mütəxəssisləri, zərərli proqram təminatı və şəbəkə təhlükəsizliyi analitikləri, həmçinin monitorinq və cavab mərkəzləri (SOC) əməkdaşları üçün faydalı olacaqdır.

“Xüsusi bir onlayn laboratoriyada həqiqi APT nümunələri üzərində işləmək və GReAT mütəxəssislərinin təcrübəsi iştirakçılara ixtisaslarını artırmağa və əks-mühəndislik sahəsində bilik əldə etməyə kömək edəcəkdir. Bundan əlavə, daimi təcrübə mütəxəssislərə real kiber insidentlərlə işləmək bacarıqlarını daha inamlı və effektiv şəkildə tətbiq etməyə imkan verəcəkdir. Kurs informasiya təhlükəsizliyi mütəxəssislərinə hədəf hücumları haqqında ən son məlumatları əldə etməyə və geniş praktiki bacarıqlara yiyələnməyə kömək edəcəkdir” deyə Kaspersky-nin Rusiya tədqiqat mərkəzinin (GReAT) rəhbəri Maria Namestnikova bildirib.

Kaspersky tədris kursları haqqında ən son məlumatları buradan əldə edə bilərsiniz:https://xtraining.kaspersky.com/.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.