Milli Net-də Nominant statusu alan növbəti saytlar

12-12-2015 / 11:42

Xəbər verdiyimiz kimi, Milli İnternet Mükafatı - Milli Net 2015 müsabiqəsində səsvermənin 1-ci mərhələsi başa  çatıb.

Səsvermənin 1-ci mərhələsinin yekununda 14 nominasiya üzrə 299 sayt arasından ən yaxşılar olan 97 sayt Nominant statusu alıb.

Xeberler.az olaraq hər bir nominasiya üzrə Nominant statusu qazanan saytlar haqqında oxuculara məlumat veririk.

Ötən yazımızda “Mobil tətbiqlər” nominasiyası üzrə Nominant statusu alan saytlar haqqında məlumat vermişdik.

Bu dəfə isə Milli Net-in “Ailə, uşaq və sağlamlıq” nominasiyası üzrə Nominant statusu alan saytların adlarını təqdim edirik.

Bunlar “Tibb.az”, “Gmdm.az”, “Saglamliq.isim.az”, “Gynecology.az”, “Stomatoloq.az”, “Dadli.az”, “Zeferan.az” saytlarıdır.

İndi isə bu saytlar haqqında qısa məlumatı oxucuların nəzərinə çatdırırıq.

Dadli.az – Sayt istifadəçilərə milli və bölgə mətbəxinin, habelə dünya mətbəxinin inciləri ilə tanış olmaq imkanı verir. Burada məhsullara, bölgələrə görə, reseptin neçə nəfərlik olmasına və hazırlanma müddətinə görə axtarış (filtr) sistemi mövcuddur.

Stomatoloq.az - Amerika Stomatoloji Assosiasiyasının ilk azərbaycanlı üzvünün şəxsi saytı və stomatologiyaya həsr olunmuş bloqudur. Saytda stomatoloji biliklər verilib. Dişlərə qulluq, sağlamlıq haqqında məlumatları buradan əldə edə bilərsiniz.

Gynecology.az – Mütəxəssis Rəxşəndə Aslanovanın qadın sağlamlığı, mamalıq və ginekologiya haqqında resursdur. Ginekologiya, sağlamlıq, müvafiq preparatlar, eyni zamanda həkim məsləhəti ilə bağlı saytda məlumatlar əldə edə bilərsiniz.

Saglamliq.isim.az – Sayt müxtəlif xəstəliklər səbəbindən ölüm və xəstələnmə hallarının profilaktikası məqsədi daşıyır. Əhali və xüsusilə də gənclər arasında maarifləndirmənin aparılması üçün Səhiyyə Nazirliyinin İctimai Səhiyyə və İslahatlar Mərkəzi tərəfindən yaradılıb.

Gmdm.az - Gəncə Müalicə Diaqnostika Mərkəzinin rəsmi saytıdır. Sağlamlıq haqqında geniş məlumatları saytdan əldə etmək mümkündür. Mərkəzin fəaliyyəti, xidməti, gördüyü işlər barədə buradan məlumat ala bilərsiniz.

Tibb.az - Sayt 8 ildir fəaliyyət göstərir. Saytın məqsədi ölkəmizdə insanların sağlam həyat tərzi və onlayn olaraq pulsuz həkim məsləhətlərindən faydalanmasını cəmiyyətdə tətbiq etməkdir.

Zeferan.az - Sayt Azərbaycanda fəaliyyət göstərən Zəfəran Apteklər şəbəkəsinin rəsmi saytıdır. Burada zəfəran apteklərinə aid xəbərlər və digər məlumatlar yerləşdirilib. Həmçinin saytda sorğu sistemi və bir neçə elektron xidmətlər verilib.

Qeyd edək ki istifadəçilər və maraqlananlar bu saytlar haqında fikirlərini və rəylərini millinet.az  saytında şərhlər bölməsində yaza bilərlər.

Digər nominasiyalarda olan Nominantlar haqqında növbəti yazılarımızda məlumat verəcəyik.

 

Ruhəngiz Muradova

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.