MİLLİ NET

Xəbər verdiyimiz kimi, Milli İnternet Mükafatı - Milli Net 2015 müsabiqəsində səsvermənin 1-ci mərhələsi başa  çatıb.

Səsvermənin 1-ci mərhələsinin yekununda 14 nominasiya üzrə 299 sayt arasından ən yaxşılar olan 97 sayt Nominant statusu alıb.

Xeberler.az olaraq hər bir nominasiya üzrə Nominant statusu qazanan saytlar haqqında oxuculara məlumat veririk.

Ötən yazımızda “Ailə, uşaq və sağlamlıq” nominasiyası üzrə Nominant statusu alan saytlar haqqında məlumat vermişdik.

Bu dəfə isə Milli Net-in “Qarabağla bağlı saytlar” nominasiyası üzrə Nominant statusu alan saytların adlarını təqdim edirik.

Bunlar “Xankendi.az”, “Harayazerbaycan.blogspot.com”, “Veten-ugrunda.az” saytlarıdır.

İndi isə bu saytlar haqqında qısa məlumatları oxucuların nəzərinə çatdırırıq.

Xankendi.az – Saytda Dağlıq Qarabağ hadisələrinin, Xankəndi həqiqətlərinin təbliğindən bəhs edən məlumatlar saytda verilib. İşğal olunmuş rayon və şəhərlər haqqında məlumatlar, ölkə və dünya ictimaiyyətinə çatdırılması istiqamətində görülən işlər barədə saytdan oxuya bilərsiniz.

Harayazerbaycan.blogspot.com -  Saytda dünya ölkələrinin onlayn xəritəsi verilib. İstifadəçi həm materiklərə, həm də bayraqlara görə dövlətləri onlayn qaydada müəyyənləşdirə bilər. Saytda Xocalı faciəsini rəsmən tanıyan dövlətlərin tam siyahısı yerləşdirilib. Əcnəbi ölkələrdə yaşayan azərbaycanlıların sayı, Qarabağ haqqında erməni saxtakarlığının geniş izahını verən məlumatları saytdan əldə edə bilərsiniz.

Veten-ugrunda.az - Vətən Uğrunda Hərbi-Vətənpərvərlik Şurasının rəsmi saytıdır. Saytda vətənpərliyin təbliğinə həsr olunmuş məlumatları oxuya bilərsiniz. Saytda yerləşdirilən məqalələrdə Qarabağ həqiqətləri öz əksini tapıb. Dağlıq Qarabağ, işğal olunmuş Azərbaycan torpaqları, tarixləri, sahələri və s. barədə tanış olmaq olar.

İstifadəçilər və maraqlananlar bu saytlar haqında fikir və rəylərini millinet.az  saytında şərhlər bölməsində yaza bilərlər.

Digər nominasiyalarda olan Nominantlar haqqında növbəti yazılarımızda məlumat verəcəyik.

Qeyd edək ki, Milli Net 2015 müsabiqəsində səsvermənin 2-ci mərhələsi başa  çatıb.

Ruhəngiz Muradova