MilliNet-də Nominant statusu alan bloqlar

13-12-2016 / 11:49

Milli İnternet Mükafatı - Milli Net 2016 müsabiqəsində səsvermənin 1-ci mərhələsi başa çatıb. 

Məlumat verdiyimiz kimi, bu il müsabiqəyə 11 Nominasiya üzrə 303 sayt təqdim edilib. Onlardan yalnız qaydalara uyğun olan 238 sayt müsabiqəyə qəbul edilib və səsvermədə iştirak edib.

Xeberler.az olaraq hər bir nominasiya üzrə Nominant statusu qazanan saytlar haqqında oxuculara məlumat veririk.

Ötən yazımızda  MilliNet-in  “İctimai-sosial saytlar” Nominasiyası üzrə nominant statusu alan saytlar haqda məlumat vermişdik.

Bu dəfə isə MilliNet-in “Bloqlar” Nominasiya üzrə seçilən saytları təqdim edirik.

Bunlar “Saturdaymenu.com”, “Sayyeahblog.com”, “Median.cafe”, “Sey-yah.com”, “Cahid.info” saytlarıdır.

İndi isə bu saytlar haqqında qısa məlumatları oxucuların nəzərinə çatdırırıq.

Saturdaymenu.com - Bloqda Aygün İslamzadə tərəfindən sınanmış və şəkilləri çəkilmiş reseptlər Azərbaycan dilində detallı şəkildə yazılıb. Şəkillər və mətnlər müəllifə məxsusdur.  Sayt yalnız Azərbaycan dilində fəaliyyət göstərir.

Sayyeahblog.com-Müəllifin öz şəxsi təcrübələrindən yola çıxaraq yazdığı səyahət məqalələrinin toplusudur. Zaman-zaman digər səyahət yazarlarının da yazıları dərc olunur.  Sayt yalnız Azərbaycan dilində fəaliyyət göstərir.

Median.cafe- Saytda peşəkarlar tərəfindən media və jurnalistika haqqında aktual analizlər yer alıb. Belə ki, gündəmdə olan mövzular araşdırılır, onlar barədə ətraflı şərh verilir. Sayt yalnız Azərbaycan dilində fəaliyyət göstərir.

Sey-yah.com-  Sayt  turizm bloqu kimi  fəaliyyət göstərir. Məqsəd Azərbaycanın turizm potensialını tanıtmaq, o cümlədən dünyada turizm yenilikləri, qaynar turlar, ucuz bilet aksiyaları, otellər, restoranlar barədə insanları məlumatlandırmaqdır. Sayt yalnız Azərbaycan dilində fəaliyyət göstərir.

Cahid.info- Bloqda Cahid İsmayıloğlunun elmi, publisistik, ədəbi-bədii, ictimai fəaliyyətini əks etdirən müxtəlif səpkidə yazılar toplanmış, fəaliyyəti işıqlandırılır. Sayt yalnız Azərbaycan dilində fəaliyyət göstərir.

Qeyd edək ki, istifadəçilər və maraqlananlar bu saytlar haqında fikirlərini və rəylərini millinet.az  saytında şərhlər bölməsində yaza bilərlər.

Digər nominasiyalarda olan Nominantlar haqqında növbəti yazılarımızda məlumat verəcəyik.

Milli İnternet Mükafatına Rabitə və Yüksək Texnologiyalar Nazirliyi dəstək verir. Delta Telecom, BestComp və Lenovo şirkətləri də Milli İnternet Mükafatına dəstək verirlər.

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.