MİLLİ NET

Xəbər verdiyimiz kimi, Milli İnternet Mükafatı - Milli Net 2015 müsabiqəsində səsvermənin 1-ci mərhələsi başa  çatıb.

Səsvermənin 1-ci mərhələsinin yekununda 14 nominasiya üzrə 299 sayt arasından ən yaxşılar olan 97 sayt Nominant statusu alıb.

Xeberler.az olaraq hər bir nominasiya üzrə Nominant statusu qazanan saytlar haqqında oxuculara məlumat veririk.

Ötən yazımızda “Elektron hökumət” nominasiyası üzrə Nominant statusu alan saytlar haqqında məlumat vermişdik.

Bu dəfə isə Milli Net-in “Mobil tətbiqlər” nominasiyası üzrə Nominant statusu alan saytların adlarını təqdim edirik.

Bunlar “Baku City Guide”, “Dino Park İnteraktiv Tədris”, “TUTU”, “Yeni Milyonçu”, “iKeebon wallet”, “MobChannel” saytlarıdır.

İndi isə bu saytlar haqqında qısa məlumatları oxucuların nəzərinə çatdırırıq.

Dino Park - Uşaqlar üçün Artırılmış Reallıq (AR) texnologiyası ilə hazırlanmış interaktiv tədris vasitəsidir. Dərsləri və yeni məlumatları yalnız oxumaqla deyil, həm də 3D animasiyalar və səsli multimedia vasitəsi ilə daha rahat və daha maraqlı öyrənmək olar. Bunun üçün verilən linkə klikləməklə verilən markeri yükləyib çap etmək kifayətdir.

MobChannel - Mobil informasiya aqqreqatoru MobChannel istifadəçilərə axtarış etmədən məlumat əldə etmə imkanı verir. MobChannel insanların vaxt itkisinin qarşısını almaq üçün yaradımış unikal vasitədir. 15 kanaldan (Xəbər, Kino, Avtomobil, Daşınmaz əmlak, Turizm, Vakansiya və s.) ibarət platforma istifadəçilərə lazım olan məlumatları axtarmadan tapmalarını təmin edir.

iKeebon - Xərcim.az layihəsi hazırda bazarda mövcud olan bütün endirim, bonus, kupon və ümumilikdə loyallıq sistemlərini bir yerdə toplayaraq, həmin sistemlər, istifadəçilərə verdiyi üstünlüklər, qənaət etmə yolları və onların partnyorları haqqında məlumat bazasından ibarət mobil tətbiq və proqram təminatıdır.

TUTU - tətbiqetməsi artırılmış Reallıq texnologiyası ilə ilk interaktiv 3D boyama kitabıdır. Tətbiqetmə uşaqlarda rəngləmə və diqqət bacarıqlarını artırır, həmçinin onların emosional inkişafını təmin edir. "TUTU Color Book" kitabını TUTU tətbiqetməsindən və ya saytından yükləyə bilərsiniz.

Baku City Guide - Bakıya gələn turistlər üçün hazırlanmış proqramdır. Proqramda əccnəbilər üçün Bakıdakı yollar, aeroport, naviqator sistemi haqqında məlumat verilib. Xarici qonaqlar bu mobil tətbiqdən asanlıqla istifadə edə bilər.

Milyonçu - Həm əyləncə üçün, həm də yeni məlumatlar öyrənmək üçün Milyonçu illərlə bir çox televiziya kanallarında izlənən Milyonçu oyununun Android platforması üçün hazırlanan qeyri-rəsmi versiyasıdır.

Qeyd edək ki istifadəçilər və maraqlananlar bu saytlar haqında fikirlərini və rəylərini millinet.az  saytında şərhlər bölməsində yaza bilərlər.

Digər nominasiyalarda olan Nominantlar haqqında növbəti yazılarımızda məlumat verəcəyik.

Ruhəngiz Muradova