Nəqliyyatı İntellektual İdarəetmə Mərkəzi hara yoxa çıxıb?

17-10-2017 / 17:38

Məlum olduğu kimi, ölkə başçısının 26 oktyabr 2007-ci il tarixli Fərmanı ilə nəqliyyat sahəsində İdarəetmə sistemi formalaşdırmaq, ölkədə nəqliyyat axınının effektiv idarəedilməsini təmin etmək üçün Nəqliyyatı İntellektual İdarəetmə Mərkəzi (NİİM) yaradılıb.

Ötən müddət ərzində nəqliyyatın intellektual idarəetmə sisteminin yaradılması sahəsində bu Mərkəz tərəfindən müəyyən işlər görülüb.

Lakin uzun müddətdir cəmiyyətdə bu quruma birmənalı yanaşma yoxdur.

Belə ki, ekspertlər və vətəndaşlar qurumun fəaliyyətindən narazılıqlarını bildirirlər ki, NİİM onun qarşısında qoyulan vəzifələri yerinə yetirə bilmir.

Son vaxtlar isə bu qurumun fəaliyyəti ümumiyyətlə hiss olunmur.

Müşahidələrimiz göstərir ki, qurumun nə saytı (www.niim.az), nə də sosial media resursları aktivdir.

Məsələ bağlı Azərbaycan İnternet Formunun prezidenti, ekspert Osman Gündüz Xebereler.az-a bildirib ki, hazırda NİİM-in hansı qurumun tabeçiliyində,  kimə məxsus olması bilinmir:

“Sanki qeybə çəkilib, bu nəhənglikdə qurum mövcud  deyil. Prezidentin iştirakı ilə keçirilən Nazirlər Kabinetinin son toplantısında diqqətimi cəlb edən bir məqam oldu. Belə ki, Bakı Nəqliyyat Agentliyinin rəhbəri çıxışında Prezidentdən xahiş edirdi ki, Nəqliyyatın İntellektual İdarəetmə Mərkəzinin Agentliyin balansına verilməsi prosesini sürətləndirsin. Anlamadım ki, indiyədək Agentlik bu idarəetmə sistemi olmadan, öz Əsasnaməsi ilə qarşısına qoyulan vəzifəni, yəni sərnişindaşıma sahəsində tənzimləməni və dövlət nəzarətini necə həyata keçirib?. Ümumiyyətlə, görən indi NİİM haradadır ?”.

Osman Gündüz də qeyd edib ki, qurumun internet resursları aktiv fəaliyyət göstərmir.

Ekspert xatırladıb ki, Prezidentin də iştirakı ilə 2011-ci ilin sonunda açılışı olub:

“ Əslində, çox gözəl bir təşəbbüs olan intellektual idarəetmə mərkəzi çox təəssüf ki, böyük miqdarda maliyyə ayrılan, lakin faydasını yetərincə görmədiyimiz layihələrdən oldu. Nəqliyyat Nazirliyi və Cənubi  Koreyanın birgə layihəsi olan NİİM-in reallaşmasına büdcədən, səhv etmirəmsə 100 milyon manat vəsait ayrılmışdı. Xatırayıram ki o zamankı nazir Ziya Məmmədov bu layihə ilə bağlı böyük vədlər veriridi. O, bütün ölkəboyu bu sistemin işləyəcəyini bildirirdi. Təəssüf ki, Nazirlik zamanında bu qurumun effektiv fəaliyyəti üçün zəruri olan addımları atmadı".

Osman Gündüz vurğulayıb ki, NİİM-in yol kənarında olan fiber opitk xətləri də baxımsızlıq ucbatından küçə yağışın-suyun altında qalıb:

“Dayanacaqlarda quraşdırılan və dəyəri az qala 10 min dollar olan monitorların vəziyyətindən isə danışmağa dəyməz. Yüzlərlə müşahidə kamerasına, kilometrlərlə fiber optik infrastruktura, yüzlərlə avtobuslarda quraşdırılan GPS tipli avadanlıqlara, dünyanın ən böyük monitoruna məxsus olan bu nəhəng infarstruktur effektiv işləyə bilmədi”.

Ekspert deyib ki, NİİM-in 141 qaynar xətti də BNA-a verilib:

“Zamanında biz çox təkliflər etdik ki, bu qurumun effektivliyinin artırılması üçün tabeçiliyi dəyişdirilməlidir, effektiv mexanizmlər tətbiq edilməlidir. Təəssüf ki, bunların da xeyri olmadı. Az qala 2 il tamam olur ki, NİİM-in tabeçilik və balansa qəbul edilmə prosesi baş tutmayıb".

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.