OECD: COVID-19 böhranı rəqəmsal texnologiyalardan asılılığı ortaya çıxarıb

28-11-2020 / 15:21

COVID-19 böhranı rəqəmsal texnologiyalardan asılılığı ortaya çıxarıb.

Xeberler.az bildirir ki, bu barədə İqtisadi Əməkdaşlıq və İnkişaf Təşkilatının (OECD) rəqəmsal iqtisadiyyata dair hesabatında deyilir.

Bildirilir ki, yeni növ koronavirus epidemiyası təhsildən səhiyyəyə qədər həyatın bütün sahələrində rəqəmsal texnologiyalardan asılılığın ortaya çıxmasına səbəb olub. Nəticədə yüksəkkeyfiyyətli şəbəkələrə tələbat artıb.

İnkişaf etmiş internet bağlantısı və imkanları bir çox ölkəyə COVID-19-un səbəb olduğu sağlamlıq və iqtisadi böhranla mübarizədə kömək edib. Epidemiya rəqəmsal transformasiyanın inkişafına mühüm töhfə verib. Buna görə də, rəqəmsal transformasiyada heç kimin geridə qalmamasının idarə olunması və koordinasiyası üçün daha vahid və strateji konsepsiyalara ehtiyac var.

COVID-19 epidemiyası zamanı internetdən istifadə və əlçatanlıq sürətlə artıb. Pandemiyanın başlanğıcından bəri insanlar onlayn yaşamağa və işləməyə alışdıqca internet trafiki 60 faiz artıb.

OECD sürətli və etibarlı internet bağlantısında ölkələr arasındakı fərqi də vurğulayıb. Məsələn, OECD ölkələrində sabit genişzolaqlı abunəliklərdəki fiber-optik şəbəkənin payı Koreya Respublikasında 82 faizə yüksəlib, Avstriya, Belçika, Almaniya, Yunanıstan, İsrail və İngiltərə isə əsasən kənd yerlərində 5 faizdən aşağı düşə bilər.

Hökumətlər özəl investisiyaları, rəqabəti və infrastruktur investisiyalarının paylaşılmasını təşviq etməklə genişzolaqlı elektron rabitə tenderlərində kənd yerləri üçün minimum əhatə dairəsinin səviyyələrini təyin edərək genişzolaqlı şəbəkəni gücləndirə bilər.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə