Qarabağda real müharibələr, döyüşən orduların iştirakı ilə aparılan müharibələr bitəndən sonra proqnozlaşdırmaq olar ki, ermənilərin və onların havadarlarının Azərbaycana qarşı kiber müharibələri daha da güclənəcək.
Ölkəmizin kiber müdafiəsi necə qurulub, biz bu hücumları dəf etməyə, kritik qurumların dayanıqlı fəaliyyətini təmin etməyə hazırıqmı?
Son illər fəaliyyətə başlayan çoxsalı kiber məktəblərimizin keyfiyyət göstəriciləri necədir? İnformasiya təhlükəsizliyi və kibertəhlükəsizliyə dair 2023-2027-ci illər üçün Strategiyada kritik infrastrukturla bağlı qarşıya qoyulan məsələlərin həlli necə reallaşır?
Kiber provayderlərin formalaşması prosesi necə gedir? Güman ki, bütün bu sualların cavabları gələn həftə XRİTDX və DTX -nın təşkilatçılığı ilə keçirilən CyberFest- CIDC-2023 çərçicəsində çoxsaylı kiber tədbirlərdə məlum olacaq.
Festival çərçivəsində Azərbaycanda ilk dəfə kritik informasiya sistemlərində kiberhücumlardan müdafiə qabiliyyətinin və böhran vəziyyətlərində informasiya sistemlərinin idarəedilməsinin inkişaf etdirilməsi məqsədilə “Kibermüharibə” yarışması təşkil olunacaq.
Baxıram ki qeyd olunan tərdbirlər çərçivəsində təşkil olunacaq kiber konfrasda da bütün maraqlı tərəflərin nazirlər və generallar səviyyəsində, aidiyyatı qurumların birinci şəxsləri səviyyəsində iştirakı nəzərdə tutulub. Ümid edirəm və inanıram ki, maraqlı tərəflərin iştirakı ilə keçirələcək bu tədbirlər ölkəmizin kiber mühitinin inkişafında mühüm rol oynayacaq.
Osman Gündüz,
Azərbaycan İnternet Forumunun prezidenti, ekspert
