"İndiki zamanda milli təhlükəsizliyin əsas tərkib hissəsi olan informasiya təhlükəsizliyi və kiber təhlükəsizliyə qarşı laqeyd münasibətin cəzası ağır olur.
Ölkəmizdə hələ də hansı qurumun kritik olması məlum deyil".
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib.
Ekspertr bildirib ki, bu istiqamətdə yeni qanunvericilik formalaşıb, Prezidentin təsdiqlədiyi fərmanlar, verdiyi tapşırıqlar var. Lakin az qala iki il olur ki, kritik infrastrukturla bağlı məsələlərin icrasına başlanılmayıb. Səbəb də odur ki, kimin kritik olması qeyri-müəyyəndir.
Onun sözlərinə görə, DTX və XRİTDX bir il öncə kritik qurumların siyahısının hökumətə təqdim edildiyini bildirsə də, indiyədək bu siyahılar təsdiqlənməyib. Bu siyahının təsdiqlənməməsi də sektorda müəyyən müzakirələrə səbəb olur:
"Xatırlayıram ki, qonşu ölkələrdən birisində bu tip kritik qurumlara kiber hücum nəticəsində dövlətə və vətəndaşlara məxsus böyük data ələ keçirilimiş, ciddi ziyanlar dəymişdi. Məhz bundan sonra orada belə bir siyahılar və reyestrlər təsdiqlənmişdi".
Osman Gündüzün sözlərinə görə, güman ki, kimlərsə də gözləyir ki, indi, yaxud COP29 zamanı ölkənin strateji qurumlarnaa da hardansa kiber hücum olmalı, ciddi zərərlər dəyməli, strateji datalar ələ keçirilməli və məhz ondan sonra kritik qurumlara yeni qanunvericilik tətbiq olunmağa başlasın:
"Xatırladıram ki, ölkəmizdə kritik infrastrukturun təhlükəsizliyilə bağlı səlahiyyətlər, biznes üzrə DTX-ya, dövlət sektoru üzrə XRİTDX və DTX-ya məxsusdur".
