Qlobal İnnovasiya İndeksi 2019 adlı müzakirə keçirilib

03-10-2019 / 12:56

Xeberler.az bildirir ki, İqtisadi İslahatların Təhlili və Kommunikasiya Mərkəzində “QLOBAL İNNOVASİYA İNDEKSİ 2019” -da Azərbaycanın mövqeyi ilə bağlı müzakirə keçirilib. Müzakirədə Biznes Mühiti və Beynəlxalq Reytinqlər üzrə Komissiyanın aidiyyatı işçi qruplarının rəhbərləri və nümayəndələri iştirak edib. Qeyd olunan reytinqdə Azərbaycanın mövqeyinin yaxşılaşdırılması üçün görülən işlər barədə dolğun məlumatların toplanılması, innovasiyanın inkişafı prosesində iştirak edən qurumların lazımı səviyyədə əlaqələndirilməsi və gələcək islahat tədbirləri haqqında müzakirələr aparılıb.

İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib ki, Azərbaycanda Prezident İlham Əliyevin rəhbərliyi ilə yeni iqtisadi modelə keçid əsasında aparılan iqtisadi islahatlarda qlobal innovasiyalar trendinə uyğunlaşma prioritet təşkil edir. O, Strateji Yol Xəritələrində də innovasiya yönümlü inkişafa xüsusi yer verildiyini, elektron hökümət və elektron məhkəmə, habelə təhsil və elm sahəsində görülən işlərdən danışıb: “Cənab Prezidentin tapşırığına uyğun olaraq nüfuzlu beynəlxalq məsləhətçi şirkətlər cəlb edilməklə innovasiya strategiyası hazırlanır, innovativ inkişaf sahəsində koordinasiya gücləndirilir, Dünya İqtisadi Formunun 4-cü Sənaye İnqilabı Mərkəzi ilə əməkdaşlıq qurulub, İnnovasiyalar Agentliyi fəaliyyətə başlayıb, EnterpriseAzerbaijan.com portalı və digər inkubasiya və akselerasiya mərkəzləri innovativ startapları dəstəkləyir. Bütövlükdə innovasiya ekosisteminin inkişaf etdirilməsi “Qlobal İnnovasiyalar Hesabatı”nda Azərbaycanın mövqelərinin güclənməsinə zəmin yaradacaq. Bunun üçün Biznes Mühiti və Beynəlxalq Reytinqlər üzrə Komissiya çərçivəsində də müvafiq tədbirlərin həyata keçirilməsi planlaşdırılır.”

Azexport portalının rəhbəri Zaur Qardaşov müzakirə zamanı “Qlobal İnnovasiya İndeksi 2019” -da Azərbaycan Respublikasının mövqeyi və gələcək addımlar mövzusunda təqdimatla çıxış edib. O bildirib ki, Azərbaycanın mövqeyini digər ölkələrlə müqayisə etdikdə irəliləmək üçün potensialın olduğu aydınlaşır. Xüsusən innovasiya sahəsində son illərdə yaradılan infrastruktur və investisiya mühiti bunu deməyə əsas verir.

Qeyd edək ki, “Qlobal İnnovasiya İndeksi” ABŞ-ın Nyu-York ştatının İtaka şəhərində yerləşən Kornell Universiteti (Cornell University) və Ümumdünya Əqli Mülkiyyət Təşkilatı (World Intellectual Property Organization-WIPO) tərəfindən hazırlanır. 129 ölkəni əhatə edən bu reytinq geniş məlumatlar spektrini ehtiva edən 80 indikator əsasında tərtib olunur.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.