Rabitə qurumlarının yeni rəhbərləri kollegiyanın tərkibinə niyə daxil edilməyib?

18-08-2016 / 11:33

Məlumat verdiyimiz kimi, bir müddət öncə Nazirlər Kabineti Rabitə və Yüksək Texnologiyalar Nazirliyinin kollegiyasının tərkibini təsdiqlədi.

Sənədə əsasən, nazirliyin kollegiyasının üzvlərinin sayı 7 nəfərdən ibarət müəyyənləşdirilib və aşağdakı tərkibdə təsdiq edilib:

Kollegiyanın sədri

Quluzadə Ramin Namiq oğlu (rabitə və yüksək texnologiyalar naziri)

Kollegiyanın üzvləri:

Abdullayev Əli İzzət oğlu (rabitə və yüksək texnologiyalar nazirinin birinci müavini)

Məmmədov İltimas Əhməd oğlu (rabitə və yüksək texnologiyalar nazirinin müavini)

Vəlizadə Elmir Tofiq oğlu (rabitə və yüksək texnologiyalar nazirinin müavini)

Məmmədov Rövşən Həmid oğlu (Naxçıvan Muxtar Respublikasının rabitə və yeni texnologiyalar naziri)

Məmmədov Tahir Nadir oğlu (Azərbaycan Respublikası Rabitə və Yüksək Texnologiyalar Nazirliyinin Aparatının daxili nəzarət və audit şöbəsinin müdiri)

Əsədov Elnar Tahir oğlu (Rabitə və Yüksək Texnologiyalar Nazirliyinin Məlumat Hesablama Mərkəzinin direktoru).

Göründüyü kimi, Nazirlikdən kənar qurumlardan yalnız MHM rəhbəri burada qeyd edilib.

Qərar iyulun 19-da qüvvəyə  minib.

Nazirlər Kabinetinin bu qərarında diqqəti bəzi məqamlar çəkdi.

Belə ki, əvvəlki illərdə  kollegiyaların tərkibinə bir qayda olaraq  Aztelekom,  Bakı Telefon Rabitəsi  İB-nin və Azərpoçt-un baş direktorları da daxil edilirdi. Bu qayda Nazirlikdə uzun müddət qorunub saxlanılmışdı.

Lakin bu il həmin qurumların adı siyahıda qeyd edilməyib.

Xeberler.az olaraq məsələ ilə maraqlandıq.

Azərbaycan İnternet Forumunun prezidenti Osman Gündüz  hesab edir ki, bu, dövlətin adı çəkilən qurumları özəlləşdirmək istəməsi ilə də bağlı ola  bilər:

“Məlum olduğu kimi, Prezident bir sıra  dövlət müəssisələrinin özəlləşdirməsi ilə bağlı qərar qəbul edib. Son dövrlərdə Prezident çıxışlarında da bu məsələnin vacibliyini qeyd edir. Bildiyim qədər ölkə başçısının tapşırığı ilə Prezidentin İqtisadi məsələlər üzrə Köməkçisi Xidmətində iqtisadi islahatlarla bağlı, həmçinin də İKT sektorunda effektiv idarəetmənin təşkili ilə bağlı, özəlləşdirilmə ilə bağlı təkliflər paketi hazırlanır. Güman ki, yaxın perspektivdə iri rabitə müəssisələrinin özəlləşdirilməsi nəzərdə tutulur və bu baxımdan da  adı çəkilən qurumların rəhbərlərinin yeni kollegiyada təmsil olunması məqsədəuyğun hesab olunmayıb.”

Osman Gündüz məsələ ilə bağlı digər ehtimalı da diqqətə çatırıb:

“Məlum olduğu kimi, “MTN işi” ilə bağlı hadisələrdən sonra  RYTN-də bir sıra qanun pozuntularının olduğu bildirilmiş və bu işlə bağlı  Aztelekom, BTRİB və Azərpoçt-un rəhbərləri həbs edilib. Onların yerinə təyin olunan şəxslərin isə bu vəzifələrə tam olaraq təsdiq edilmədiyi, onlara yalnız bu vəzifələrin icrasının tapşırıldığı  bildirilir. Ola bilər ki bu faktorlar da onların kollegiyada təmsilçiliyinə imkan verməyib". 

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.