Günümüzdə bulud texnologiyalarının istifadəsinin sürətli populyarlaşması və ənənəvi texnologiyalardan istifadənin azalması şirkətləri bu trendə qoşulmağa vadar edib.
Bulud texnologiyaları 2015-də 80 milyard dollarlıq bazar yaratdı.
Data Operatorlar və Mobil Operatorlar artıq daxili imkanları ilə müştərilərinə bulud məhsulları hazırlayıb, satmağa çalışır. Amma bu sahədə mütəxəssislərin az olması səbəbi ilə istənilən effektivliyi əldə edə bilmirlər. Vendorlardan kömək istəyəndə də hər bir vendor normal olaraq müştərini onun məhsullarına uyğun olaraq yönləndirməyə çalışır.
Haradan başlanılmalı və nələrə diqqət olunmalıdır, texnologiya seçimi və marketinq strategiyası necə təşkil olunmalıdır?
Aşağıdakı addımlar Private Cloud üçündür. Amazon və ya Azure kimi Public Cloud olmaq bizim şirkətlər üçün həqiqət deyil.
Public Cloud bazarda mən varam demək üçün illik ortalama 8 milyard dollar xərcləyirlər. O qədər büdcəni gözdən çıxartmısınızsa, onu da etməyə kömək edərik.
Bu istiqamətdə uğur qazanmaq üçün hansı addımlar atılmalıdır?
Anket: Hər biznesdə olduğu kimi başlanğıcda bazarı araşdırmaq lazımdır. Müştərinin hansı texnologiyaları istifadə etdiyini müəyyən etmək vacib şərtdir. Anket hazırlayarkən müştərinin konfidental məlumatları soruşmaq lazım deyil(Məs: Şəbəkə Topologiyası, Firewall Portları və s). Mümkün qədər suallar metodika əsasında hazırlanmalı, “hə- “yox” və qısa cavab şəklində olmalıdır.
Bu istiqamətdə qlobal vendorun anketində dəyişiklər edərək bazara uyğunlaşdırıb hazırladığım anketi sizlərlə paylaşıram:
Linkdə qeyd olunan anket aşağıdakıları müəyyənləşdirməyə imkan verəcək:
Məhsul kataloqu: Anketin cavablarını aldıqdan sonra cavabları analiz edib məhsul kataloqunu çıxartmaq lazımdır. Cavablar sizlərə düzgün məhsul kataloqu üçün açar olacaq. Əgər anketə yetəri qədər cavab gəlməzsə, IDC/Gartner/IBM kimi şirkətlərin dünya bulud bazarı haqqında araşdırmaları var. Daxili bazarın tam məlumatların əks etdirməsə də,oradakı məlumatlar düzgün məhsul kataloqunu çıxartmağa bəs edəcək.
Vendorlarla danışıqlar: Qərar verilən məhsul kataloqunu Bulud Provayderi qura bilən şirkətlərə göstərib başlanğıc uçun nələrə ehtiyacınız olacağını tapmalısınız. TCO və ROI kimi imkanlarını ölçməlisiniz. Burada ən diqqət olunacaq məqam ən az maliyyətlə “Startup” paket şəklində və daha sonra böyüyə biləcək bulud həlli göstərə bilən vendoru tapmalısınız. Şirkətin Vendor Lock-in olması vacib deyil. Yəni, vendor şirkətə ancaq öz məhsullarından istifadə etməyə məcbur etməli deyil. İstəyəndə başqa vendorlarında məhsullarını sistemə qoşmaq mümkün olmalıdır.
Qiymət siyasəti: Bulud xidmətlərinin ənənəvi xidmətlərdən ən böyük fərqi odur ki, müştəri istifadə etdiyi qədər ödəyir. İstəyəndə xidmətlərini və resurslarını artırıb istəyəndə azalda bilir. Müştəri məcbur olmur ki, uzun müddətli kontraktlara qol çəksin. Vendorların sizə göstərdiyi təqribi TCO/ROI əsasında bir bulud xidmətinin istifadəçi başı aylıq hansı qiymətə başa gəldiyini və bir istifadəçiyə biləcək resurs limitləri müəyyən olunmalıdır.
Məsələn, Exchange Server qurub şirkətlərə istifadəçi başı aylıq ödəmə şəklində satacaqsınız. Onun üçün hesablanmalıdır ki, bir serverin maliyyəti, lisenziya maliyyətləri, şəbəkə, elektrik, soyutma, işçi maliyyətləri maksimum müştəri sayına bölünməli, bazar qiymətləri nəzərə alınmalıdır. Təqribi 3$-5$/istifadəçi/aylıq arası cavab əldə olunacaq. 10-15$ a qədər yüksəlibsə nəsə səhv seçilib. Biznes düzgün qurulmayıb.
Tender: Sorğu əsasında iki mərhələli tender siyasəti seçilməsi işləri uzatsa da, ən məntiqli seçim görünür. Çünki sorğuda həm bulud haqqında daxili mühəndislər daha çox məlumat sahibi olacaq həmdə düzgün məhsulu şifahi seçmək üçün vaxt yaranacaq.
Satınalmalar və digər danışıqlar, büdcə planı. Sadəcə demək istəyirəm ki, başlanğıc üçün büdcəni əlinizdən gəldiyi qədər minimumda saxlamalısınız. Mümkündürsə , Avtomatik Provisioning kimi tam avtomatlaşdırılmış texnologiyalara pul xərcləməyin. Çünki təkcə 1-2 milyon dollar bu avtomatik hazır etmə sisteminə gedir. Hər saniyə müştəri gəlməyəcəyinə görə əllə etmək daha məqbuldur,nəinki avtomatlaşdırılmış sistemlə.
Birdə Support xidmətinin ümumi miqdarda faizi 10 faizi keçməli deyil. Bəzən vendorlar ilk il üçün endirimli Support qiymət təklifi verib daha sonrakı illər üçün qiymətləri yazmırlar. Sizdə ucuz deyə ilk ili alırsınız. Daha sonrakı illər üçün x 2 qatına Support təklif edirlər. Çalışın Support qiymət cədvəli 5 ildən aşağı olmasın və təklifdə göstərilsin.
Qurulum: Bu proses ortalama 3-5 həftə çəkir. Xaricdən tələb olunan avadanlığın gəlməsi və mütəxəssis heyətinin gəlib sazlaması, xırda problemlər vaxtı uzada bilər. Ona görə minimum bir ay kimi düşünməniz daha faydalı olacaq.
Satış, PR: Müştəri kütləsi əsasən Kiçik və Orta Bizneslər olacağına görə nəzərə alınmalıdır ki, müştəri ola biləcək şirkət mühəndislərinin çoxunun heç bulud texnologiyalarından xəbəri yoxdur. İlk addım olaraq şirkətlərin nümayəndələrini dəvət edib, bulud texnologiyalarının faydalarını və xərclərə necə qənaət etdiyini göstərməlisiniz. Bu problemi yaşayan tək siz deyilsiniz. Azərbaycanda fəaliyyət göstərən nəhəng bulud vendorları (Microsoft, Oracle, HP və s.) müxtəlif təlim tədbirləri keçirib mütəxəssisləri yetişdirirlər. Nəhəng vendorlarla birlikdə hərəkərət etmək çox faydalı olacaq. Məlumatların gizliliyi və təhlükəsizlik suallarına hazır olunmalıdır. Bulud həllərində satış təmsilcilərinə ən çox soruşulan suallar bunlardır: “Birdən şirkətin daxili məlumatlarını açıb oxuyarsınız, necə zəmanət verirsiniz?”, “Hansı təhlükəsizlik tədbirlərini görmüsünüz?”.
Əlavə suallarınız olarsa, ünvanlaya bilərsiniz.
Biznesin İnkişafı üzrə mütəxəssis
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri