Spamlarla necə mübarizə aparaq? –Təlimat

09-06-2017 / 10:10

Məlum olduğu kimi, istifadəçilərin internet mühitində ən çox əziyyət çəkdiyi problemlərdən biri də spamlardır.

Məsələn, bir gün səhər işə gəlib elektron poçt ünvanını yoxlayarkən sizə okeanın o tayında yaşayan, heç tanımadığınız ulu babanızdan fantastik məbləğdə miras qaldığını öyrənirsiz. Xoş təsadüfdü olsa da,  özünüz də əminsiz ki, belə bir hal mümkün deyil.

Bəs bu mövzulu məktublar nədir, istifadəçilərə niyə göndərilir?

Bu tip məktublar spamdır. Belə mesajlar Sizin şəxsi məlumatlarınızın ələ keçirilərək bədniyyətli insanların qazanc əldə etməsinə xidmət edir. 

Nəqliyyat, Rabitə və Yüksək Texnologiyalar Nazirliyi istifadəçiləri bu problemlə bağlı daha diqqətli olmağa çağırır.

Belə ki, nazirliyin  təlimatında deyilir ki,  spamlar sizin elektron qurğularınıza da ziyan vurur. Çünki spamlar əksər hallarda virus daşıyıcısı olur və siz bu məktubları açdıqda cihazınız virusa yoluxur.

NRYTN bu cür ziyanverici kontentlərdən qorunmaq üçün aşağıdakılara əməl etməyinizi tövsiyyə edir:

• Spam əleyhinə filter və ya blok programlarından istifadə edin;

• Şübhəli e-poçt mesajlarına cavab verməyin;

• Əgər hər hansı bir mesajın spam olduğundan 
əminsinizsə, onu açmadan e-poçt qutusundan silin; 

• Həmin mesajların tərkibindəki link və ya faylları açmayın;

• Hər zaman ictimai işlər üçün alternativ e-poçt hesabı açın və ondan istifadə edin;

• Yalnız lazım bildiyiniz şəxslər/qurumlarla rəsmi e-poçt ünvanınızı paylaşın.

 Günel


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.