Bu gün Startap Azərbaycan 2016 müsabiqəsinin iştirakçılarına startaplarının inkişaf strategiyasının, təqdimatların və biznes planların hazırlanmasına kömək məqsədilə təlimlər keçirilib.
Xeberler.az-ın məlumatına görə, təlim Yüksək Texnologiyalar Parkında (YTP) təşkil olunub.
Startap Azərbaycan Təşkilat Komitəsi adından çıxış edən Osman Gündüz hər il müsabiqəyə qatılanlar üçün belə təlimlərin təşkil edildiyini diqqətə çatdırararq bunun mühüm əhəmiyyət kəsb etdiyini bildirib.
O, Startap Azərbaycan çərçivəsində qarşıdakı günlərdə keçirilməsi nəzərdə tutulan tədbirlər haqqında da məlumat verib.
RYTN yanında Yüksək Texnologiyalar Parkının department rəhbəri Ülvi Aslanov, BeSmart şirkətinin baş icraçı direktoru, Youth Inc. Gənc Sahibkarlıq Proqramının layihə koordinatoru Müşviq Həsənov, KVAN kitabının müəllifi, tanınmış startapçı Cosqun Kərimov və Startap Azərbaycan TK üzvü Orxan Əhmədov startap komandaların üzvləri qarşısında maraqlı təqdimatarla çıxış edib və öz təcrübələrini bölüşüb.
Layihələrin təqdim edilməsi haqqında ətraflı məlumat verilib.
Təlimçilər gəncləri maraqlandıran çoxsaylı sualları cavablandırıb.
Qeyd edək ki, təlimlərlə bağlı bütün fotoları Startap Azərbaycan-ın rəsmi Facebook səhifəsindən əldə edə bilərsiniz.
Startap Azərbaycan Təşkilat Komitəsindən bildirilib ki, mayın 26-da 2-ci qiymətləndirmə olacaq.
Yarımfinala çıxan startaplar 8 dəqiqə müddətində ekspertlər qarşısında öz layihələri təqdim etməlidir.
Qaliblərin yekun təqdimat mərasiminin və ənənəvi Startap Azərbaycan Milli Konfransının isə iyunun 1-də keçirilməsi nəzərdə tutulub.
Startap Azərbaycan layihəsinə Rabitə və Yüksək Texnologiyalar Nazirliyi , İT-nin İnkişafı Dövlət Fondu və Yüksək Texnologiyalar Parkı dəstək verir.
Startap Azərbaycan-ın Akademik partnyoru ADA Universitetidir.
ATL Group, SİNAM, Neuron Technologies, SUP Accelerator, NEXT STEP İnnovasiya Mərkəzi və Cybernet şirkətləri Startap Azərbaycan-a dəstək verir və sponsorluq edirlər.
Bu gün keçirilən təlimlərlə bağlı bütün fotoları Startap Azərbaycan-ın rəsmi Facebook səhifəsindən əldə edə bilərsiniz.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri