STARTAP AZƏRBAYCAN

Bu gün Crown otelində Azərbaycanlı gənc startapçı Ziya Gözəlov tərəfindən hazırlanan Storeaz.net  online alış-veriş və reklam şirkətinin təqdimat mərasimi keçirilib.

Xeberler.az-ın  məlumatına görə, təqdimatda Storeaz.net   onlayn alış-veriş  şirkəti ilə bağlı geniş məlumat verilib.

Layihə rəhbəri Ziya Gözəlov çıxış edərək şirkətin 2015-ci ildə yaradıldığını qeyd edib.

O bildirib ki, şirkət məşhur Aliexpress şirkəti ilə yaxın dövrlərdə müqavilə bağlayıb və xaricdən gələn məhsulların orginallığına tam zəmanət verən müqavilə  ilə məhsullarını alıcılara təqdim edib.

Ziya Gözəlov sosial mediada şirkətlə bağlı  səsləndirlən müxtəlif təndiqi fikirlərə də aydınlıq gətirib:

“Günlərdir ki, sosial mediada bəzi startapçılar və İT mütəxəssisləri Axliexpresslə bağladığımız  müqavilə ilə bağlı əsassız şərhlər bildirirlər. Bu konfransı keçirməkdə həm də məqsədimiz  ondan ibarətdir ki, ictimaiyyətdə səsləndirilən bəzi fikirlərə aydınlıq gətirək. Yəni, özümüzü  cəmiyyətə düzgün təqdim edə bilək”.

Ziya Gözəlov deyib ki, şirkətin Aliexpress-lə bağladığı müqavilə onların paltarlarının satışı işə əlaqədar deyil:

“Biz həmçinin reklam şirkətiyik. Reklama görə isə mağazadan hər məhsulunun reklamına 8 dollar alırıq. Aliexpress-lə müqavilədə qeyd olunur ki,  onlar bizim üçün şirkətlərin sırf özlərindən  orjinal məhsul gətirib  bizə təqdim edirlər. Bizdə həmən orjinal məhsulu satırıq. Daha ordan məhsullar götürüb sayta yerləşdirmirik”.

Ziya Gözəlov bildirib ki, Storeaz.net  saytı sabah fəaliyyətə başlayacaq.

Tədbirdə qeyd olunub ki,  saytın təhlükəsizliyi ilə bağlı nettservices.az, Rabitə və Yüksək Texnologiyalar Nazirliyinin Elektron Təhlükəsizlik Mərkəzi ilə əməkdaşlıq ediləcək.

Qeyd edək ki, sosial mediada bəzi startapçıların  Ziya Gözəlovun hazırladığı layihələrlə, bağladığı müqavilələrlə bağlı tənqidi  münasibətləri vardı.  Qeyd olunurdu ki,  hər üç  layihədə uyğunsuzluq var.

Startapçılar iddia edirdilər ki,  Aliexpress orijinal mal satmır və  bu şirkətin təqdim etdiyi nəhsulların 99 faizi nəyinsə oxşarıdır. Həmçinin qeyd olunan iddialarda tibbi təhsili olmayan gəncin dərman düzəltməsi məsələsi də ciddi qəbul edilməmişdi.

Xeberler.az -a bildirilib ki, layihənin tərafdaşları MyTagram, Yahoo, Firelon, Azərbaycan Dövlət İqtisad Universiteinin Texnologiya Transfer Mərkəzi və Aliexpress şirkətidir.

Qeyd edək ki, tədbirdə Rabitə və  Yüksək Texnologiyalar  Nazirliyin İKT Fondundan, İqtisad Universitetinin Texnologiya Transfer  Mərkəzi, Müdafiə Nazirliyi, Dövlət Əmlak Komitəsi, Bakı Slavyan Universiteti, Milli Elmlər Akademiyasından nümayəndələr iştirak edib.

Ağasəf Haqverdiyev