“Startap Azərbaycan 2015”-in yekun tədbirlərinə hazırlıq müzakirə olunub

12-05-2015 / 13:53

Bu gün Startap Azərbaycan Təşkilat Komitəsinin iclası olub.

Xeberler.az-ın məlumatına görə, Təşkilat Komitəsinin iclasında “ Startap Azərbaycan 2015” müsabiqəsinin yekun təqdimat mərasiminə və konfransa hazırlıq məsələləri  müzakirə edilib. 

Toplantıda həmçinin ekspertlər tərəfindən yarımfinala çıxan komandaların  2-ci mərhələ qiymətləndirməsinin yekunları da  müzakirə olunub.

Qeyd edək ki, Komitənin iclasında finala çıxan startaplarla bağlı məsələsinə də baxılıb . Belə ki, ekspertlərin komandalara  verdiyi yekun ballar nəzərdən keçirilib.

Yekun təqdimat mərasimi və konfransla bağlı hazırlıq işlərinin uğurla davam etdiyi bildirilib.

“Startap Azərbaycan 2015” müsabiqəsinin yekun təqdimat mərasimi mayın 15-də Park İnn Otelində keçiriləcək. Konfransın mövzusu isə “Azərbaycanın startap mühiti (ekosistemi) : problemlər və perspektivlər“ mövzusunda olacaq.

Təqdimat mərasimində “Startap Azərbaycan 2015” layihəsinin yekunları və milli startap müsabiqəsinin nəticələri haqqında təqdimatlar olacaq. Həmçinin Startap Azərbaycan müsabiqəsinin finalçıları elan olunacaq, onlara mükafatlar və qiymətli hədiyyələr təqdim olunacaq.

Startap Azərbaycan layihəsi Azərbaycan İnternet Forumunun təşkilatçılığı ilə keçirilir. Layihəyə Rabitə və Yüksək Texnologiyalar Nazirliyi yanında İT-nin İnkişafı Dövlət Fondu, Elektron Hökumət Portalının operatoru - MHM və Yüksək Texnologiyalar Parkı dəstək verir.

Startap Azərbaycan-ın Akademik partnyoru isə ADA Universitetidir. İnfiPro, SİNAM , SMART Systems, Cybernet və Happy Baku şirkətləri də Startap Azərbaycan-a dəstək verirlər.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə