Təhsil Nazirliyi indiyədək ictimai əhəmiyyət kəsb edən informasiyanı açıqlamayıb

21-01-2021 / 22:39
"Təhsil Nazirliyi nə üçün indiyədək ictimai əhəmiyyət kəsb edən informasiyanı açıqlamayıb?
 
Təhsil Nazirliyinin brifinqi keçiriləcək. Artıq bununla bağlı ictimai əhəmiyyət kəsb edən iki məsələni bu günlərdə açıqlamışam. Ümid edirəm brifinqdə onlara diqqət yetiriləcək. Daha bir məsələyə, cəmiyyətin marağında olan bir məsələyə diqqət cəlb etmək istərdim".
 
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib:
 
"Güman ki, brifinq əsasən pandemiya ilə əlaqəli növbəti mərhələdə tədris prosesinin təşkilinə həsr olunacaq.
 
Hazırda içi ekspertlər qarışıq xeyli sayda müəllimlər Təhsil Nazirliyinin hansı qərar verəcəyini proqnozlaşdırmaqla məşğuldur. Amma düşünürəm ki, biz vətəndaş cəmiyyəti və təhsil ictimaiyyətinin diqqətini daha çox Təhsil Nazirliyinin əlində olan, pandemiya dövründə ölkədə DAHA DÜZGÜN QƏRAR QƏBUL ETMƏYƏ imkan verən İNFORMASİYANIN açıqlanmasına yönəltməliyik.
 
Məlum olduğu kimi, Nazirlik yay tətili müddətində bütün ölkə üzrə şagirdlərin və müəllimlərin internetə əlçatanlığı və kompüter təminatı ilə bağlı faydalı bir monitorinq və sorğular təşkil etmişdi.Çox böyük bir iş aparıldı o zaman.
 
Bunun nəticəsi olaraq Təhsil Nazirliyinin əlində təhsil alanlarla bağlı internetə əlçatanlıq və texniki-texnoloji vəziyyət haqqında nəhəng informasiya ehtiyatı toplandı.
 
Təəssüf ki, İnformasiya əldə edilməsi haqqdında qanunun tələblərinə zidd olsa da Nazirlik indiyədək bunu açıqlamayıb. Şübhələnmək üçün əsaslar vardı ki, bu informasiya distant təhsilin bütün ölkə boyu tətbiqi ilə keyfiyyətli tədrisin mümkün olmadığını ortaya çıxaracaq.
 
Bu informasiya göstərəcəkdi ki, mövcud şəraitdə keyfiyyətli distant qurmaq Təhsil Nazirliyinin imkanları xaricindədir. Hökumət isə bütün ölkə boyu distant təhsilin təşkilini Nazirliyin üzərinə atıb, əlavə resurslar ayırmayıb.
 
Düşünürəm ki, toplanan ictimai əhəmiyyətli informasiyanın təhsil ictimaiyyətinə açıqlanmamasını da məhz burada axtarmaq lazımdır".
 
 
 
 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə