Ekspert: Təhsil Nazirliyinin İctimai Şurası təhsilin inkişafına töhfə verəcək

00-00-0000 12:57

Xeberler.az bildirir ki, bir neçə gün öncə Təhsil Nazirliyi yanında İctimai Şuraya seçkilər keçirilib.

Məsələ ilə bağlı Azərbaycan İnternet Formunun Prezidenti, ekspert Osman Gündüz münasibət bildirib:

"Siyahıya nəzər salanda görmək olar ki, xeyli sayda tanınmış, faydalı ekspertlər Şuraya seçilib. Xüsusilədə daha yaxından tanıdıqlarım Şahlar müəllimin, Nadir İsrafilovun , Etibar Əliyevin, Asif Cahangirovun, İlqar Orucovun və s. Şurada təmsil olunması düşünürəm ki, çox yerindədir və strateji bir sahə olan təhsil sektorunun inkişafına xeyli töhvə verəcək.

Eyni zamanda baxıram ki, bəzi tanınmışların nə üçün müraciət etmədikləri haqqında da suallar verilir. Şəxsən mən bir neçə İctimai Şurada üzv və ya kordinator olaraq təmsil olunduğumdan bu Şurada iştirakla bağlı müraciət etməyi məqsəduyğun hesab etməmişəm.

Bilirəm ki, bir neçə tanınmış ekspertlərimiz də məhz bu səbəbdən müraciət etməyiblər.

Bəzi dostlarımız Şuranın seçilməsində prosedur qaydalarının pozulmasını tənqid ediblər.

Əslində bu tənqidlərdə , müzakirə predmeti olacaq məqamlar olmamış deyil, xüsusilədə namizədlərin sənədlərinin “notarial təsdiq” olunması faktı uğurlu bir variant deyildi.

Amma Təhsil Nazirliyi 5 il bundan öncə qəbul olunan “İctimai iştirakçılıq haqqında qanunun tələblərinə uyğun olaraq indi bir struktur formalaşdırmağa səy göstəribsə və sahə üzrə xeyli sayda tanınmış ekspertlər də artıq burada təmsil olunubsa zənnimcə uğurlar arzulamaq olar.

Ümid edirəm Təhsil Nazirliyi də gələcəkdə tənqidlərdən nəticə çıxardıb seçki proseduralarını daha da təkmilləşdirəcək.
Bir daha yeni formalaşan İctimai Şuraya uğurlar arzulayırıq".

ŞƏRHLƏR