TEXNOLOGİYA

Adobe Rəqəmsal İndeks 2016-cı ildə rəqəmsal dünyanın trendləri ilə bağlı təhlil aparıb.

Məlumdur ki, əşyaların interneti (İoT) artıq insanların gündəlik həyatında yer tapmağa başlayıb və bir çox insan artıq bundan istifadə edir.

Xeberler.az bildirir ki, aparılmış sorğuda iştirak edənlərin  51 faizi artıq smartfonu vasitəsilə hansısa ev əşyası ilə internet əlaqəsi qurduğunu deyib.

Qeyd edilib ki,  bu prosessə əsas təkan verən amillər böyük ekranlı və mobil smartfonlardır.

Brauzinq və axtarışlar da Apple Siri, Microsoft Cortana, Google Now kimi fərdi köməkçilərdən istifadənin hesabına daha da avtomatlaşdırılır.

33 faiz  isə ABŞ smartfon istifadəçiləri ötən ayda bu cür fərdi köməkçilərdən istifadə etdiyini bildirib.

“Rəqəmsal Trendlərin Hesabatı 2015”də əsas önə çıxan məqamlar arasında göstərilir ki, fərdi köməkçilər arasında ən çox narazılıq doğuran  Facebook M olub.

Hələlik sadəcə beta sınaq üçün San-Fransiskoda istifadəyə verilən Facebook M çox daha geniş imkanlara sahib olsa da, haqqında danışılanların 20 faizində narazılıqlar gözə çarpır.

Ən yüksək müsbət rəyi isə Amazon Echo toplayıb.

Ağıllı geyiniləbilən texnologiyalar arasında hazırda daha çox qolbaqlar istifadə olunsa da, 2016-dan etibarən ağıllı saatlarında  bu qolbaqları üstələyəcəyi görünür.

Windows 10 və El capitan haqda isə kədərli və  təəccüblü fikirlər var.

Belə ki,  Windows 10 El Capitan və Yosemite-dən daha çox səs-soraq doğursa da, istifadəçiləri tam razı sala bilməyib.

Edge sayəsində Microsoft brauzerləri yenidən dirçəlməyə başlasa da, hələ də ən çox istifadə olunanlar Chrome və Safari-dir.

Mobil brauzinq hazırda daha çox həftə sonlarında istifadə edilsə də, 2016-da həftə içi günlərdə də istifadəsi genişlənə bilər.

Qeyd edilir ki, mobil brauzerlər çətoin iş əməliyyatları üçün əlverişli deyil, lakin aparılan təkmilləşdirmək işlərinin 2016-da bu sahədə istfadənin artacağına işarə edir.

Planşetlər arasında liderlik iPad-dədir. Hər on planşetdən səkkizi İpad-in hesabına düşür.

Növbəti sırada s  isə Samsung Galaxy planşetləridir. Smartfonlar arasında birinci yerdə iPhone, ikinci yerdə Galaxy gəlir. Bunlardan sonra isə LG, Nokia Lumia və HTC One-dir.

Murad Məmmədzadə