6 ildə şirkətlərin kiberhücumlardan zərəri 82 faiz artıb

27-10-2015 / 10:22

ABŞ şirkətlərinin kiberhücumlardan ortaillik zərəri 15 milyon dollaradək artıb. Bu barədə HP və Ponemon Institute şirkətlərinin birgə tədqiqatında deyilir.

Xeberler.az-ın xarici mətbuata istinadən məlumatına görə, altıillik göstərici ilə müqayisədə təşkilatların haker hücumları nəticəsində pul itkiləri 82 faiz yüksəlib. Bu isə o deməkdir ki, hər il xərclər 20 faiz artıb.  

Hazırda kiberhücumların nəticələrinin aradan qaldırılmasına təxminən 46 gün tələb olunur (altı ildə bu müddət təxminən 30 faiz artıb), hər insident üzrə xərclər isə 1,9 milyon dollara bərabərdir. 2009-cu ildə bu göstərici 1,5 milyon dollar olub.

Ekspertlər müəyyən ediblər ki, kiberhücumların aşkar edilməsinə və onların nəticələrinin aradan qaldırılmasına xərc çəkməmək üçün şirkətlər analitik informasiya təhlükəsizliyinin təmini texnologiyalarına aktiv investisiyalar yatırırlar. Bu taktika öz bəhrəsini verir: hücuma reaksiya vermək üçün xərclər azalır ki, bu da investisiyalardan mənfəəti xeyli artırmağa imkan verir.

Cinayətkarların hücumlarından və məlumatların oğurlanmasından mühafizə vasitələri kimi təşkilatlar adətən məlumatların şifrlənməsi texnologiyalarını (57 faiz), daxilolmanın idarəetmə vasitələrini (45 faiz), məlumatların oğurlanmasının qarşısının alınması (38 faiz) və siyasətin idarə olunması alətlərini (36 faiz) seçirlər.  

Hesablamalara görə, işə təhlükəsizlik üzrə ixtisaslı mütəxəssislərin qəbulu şirkətlərə 2,1 milyon, informasiya təhlükəsizliyi şöbəsinə rəhbərin təyin edilməsi isə daha 2 milyon dollara qənaət etməyə imkan verir.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.