İNNOVASİYA VƏ STARTAP

Azərbaycan Texniki Universitetinin (AzTU) İnkubasiya Mərkəzində “Startap Günləri” adlı iki günlük tədbir təşkil olunacaq.

Xeberler.az məlumat verir ki, tədbir 23 yanvar (cümə) günü saat 14:00-dan gün sonunadək, 24 yanvar (şənbə) günü isə 10:00–16:00 aralığında keçiriləcək. Startap Günləri AzTU-nun İnkubasiya Mərkəzində keçiriləcək.

Tədbirin əsas məqsədi gənclərin innovativ ideyalarını real layihələrə çevirmələrinə dəstək olmaq, onları startap ekosisteminə cəlb etmək və praktiki biliklərlə təmin etməkdir. Startap Günləri çərçivəsində iştirakçılar güclü mentorlar və təcrübəli ekspertlərin dəstəyi ilə ideyalarının inkişafı üzərində çalışacaq, komanda quruculuğu və liderlik bacarıqlarını gücləndirəcəklər.

Bununla yanaşı, iştirakçılar uğurlu startap qurucuları və potensial investorlarla birbaşa ünsiyyət qurmaq, geniş networking imkanlarından yararlanmaq, praktiki təlimlərdə iştirak etməklə real biznes bacarıqları qazanmaq imkanı əldə edəcəklər. Tədbir zamanı layihələrin təqdimatı və müsabiqələr də təşkil olunacaq.

Startap Günlərində fəal iştirak edənlərə rəsmi sertifikatlar təqdim ediləcək. Tədbirdə iştirak tamamilə ödənişsizdir.

Tədbirdə iştirak etmək istəyənlər aşağıdakı link vasitəsilə qeydiyyatdan keçə bilərlər: https://forms.gle/j1u5uzaWemj3CCue6