Xeberler.az məlumat verir ki, TƏBİB rəsmisi dünən keçirilən birifinqdə bildirib ki, çimərliklərə getmək və orada hansı qaydalara riayət olunmasının vacibliyi, insanların hansı məsafədə dayanması məsələsi müzakirə edilir.
Məsələ ilə bağlı Azərbycan İnternet Formunun Prezidenti ekspert Osman Gündüz açıqlama verib:
"Düşünmək olar ki, ən yaxın müddətdə çimərliklərə icazə sistemi işə düşə bilər.
Xatırlayıram ki, bir ay öncə belə bir informasiya sisteminin ASAN tərəfindən hazırlanmaqda olduğu bildirilmişdi.
Güman ki, hər bir çimərliyin ərazisi və imkanları, ara məsafəsi nəzərə alınnaqla qəbul edə biləcəyi məhdud say müəyyən olunacaq və vətəndaşlara da ona uyğun növbə sistemi təqdim olunacaq.
Vətəndaşlar bu icazə sistemində çimərliyi, tarixi və saatı, iştirakçı sayını seçməklə bəlli bir müddətdə çimərliyə getmək imkanı qazana biləcək.
Çimərliklər xeyli uzaqda olduğundan və ictimai nəqliyyatla bağlı problemlər ola biləcəyindən, internetə bağlantı problemləri ola biləcəyindən, vətəndaş şəxsi maşını və uşaqları ilə gedə biləcəyindən düşünürəm ki, "Çimərlik icazə sistemi"ni hazırlayanlar bunları nəzərə alacaqlar.
Eyni zamanda fikrimcə sistemi hazırlayanlar onun hamı üçün əlçatan olmasını, mobil tətbiq variantının olmasını, normal xəbərdarlıq imkanları olmasını, istifadəçi rahatlığı və şəffaf olmasını təmin etməlidir.
TƏBİB rəsmisi çimərliklə bağlı qərar qəbul olunan kimi, Operativ Qərargah tərəfindən ictimaiyyətə məlumat veriləcəyini bildirib.
Ümumiyyıtlə, düşünürəm ki, bu icazələr, SMS, Çimərlik və s. rəqəmsal həllərin hazırlanması ilə bağlı ASAN-nın yüklənməsi də doğru yanaşma deyil. Əlbəttə, ola bilər, operativlik və inteqrasiya baxımından bu seçim uğurlu görsənə bilər. Amma fikrimcə bu cür yanaşmalar gələcəkdə ciddi problemlər yarada bilər".
