Direktorlara İKT avadanlıqlardan istifadəyə dair təlim keçirilib

21-09-2015 / 21:06

Sentyabrın 21-də Fransanın Azərbaycandakı səfirliyində Təhsil Nazirliyi, “Təhsildə İnnovativ Texnologiyalar” Əlavə Təhsil Mərkəzi və Paris Sorbonna Universitetinin Abu Dabi kampusunun birgə əməkdaşlığı ilə “Məktəb idarəetməsi” mövzusunda keçirilən on günlük təlim kurslarının başa çatması ilə əlaqədar tədbir keçirilib.

Xeberler.az bildirir ki, Azərbaycan Dövlət İqtisad Universitetinin Quba rayonunun İkinci Nügədi kəndində yerləşən Tədris, İdman və İstirahət Kompleksində təşkil olunan təlim kurslarına 40 nəfər məktəb direktoru qatılıb.

Tədbirdə səfir Paskal Mönye Azərbaycan və Fransa prezidentlərinin son üç ildə altı dəfə görüşdüklərini diqqətə çatdıraraq ölkələrimiz arasında bütün sahələrdə sıx əməkdaşlıq olduğunu qeyd edib. Azərbaycanın sürətlə inkişaf etdiyini deyən Paskal Mönye təhsil sahəsindəki əlaqələrin daha da genişləndirilməsi üçün atılan addımlardan, azərbaycanlı məzunların Fransada təhsil almaları üçün geniş imkanlardan söz açıb.

Təhsil nazirinin müavini Ceyhun Bayramov təlim kurslarında nazirliyə tabe olan, eyni zamanda, Bakı Şəhəri üzrə Təhsil İdarəsi tərəfindən tövsiyə olunmuş məktəb direktorları ilə yanaşı, 2013-2014-cü ilin buraxılış imtahanlarında yüksək nəticə göstərən Sumqayıt şəhəri və digər rayon məktəbləri rəhbərlərinin iştirak etdiklərini diqqətə çatdırıb.

Təlimlərə Paris Sorbonna Universitetinin professoru Florent Pratlong rəhbərlik edib. Bununla yanaşı, kurs çərçivəsində yerli təlimçilər tərəfindən liderlik, məktəb çərçivəsində şagird sağlamlığının qorunması, vaxtın idarəolunması, təqdimat bacarıqlarının inkişafı və digər mövzularda interaktiv sessiyalar təşkil edilib.

Sonda kurslarda iştirak edən məktəb direktorlarına sertifikatlar təqdim olunub.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə