Ekspert Dövlət nəzarətini təkmilləşdirmək məqsədilə bir sıra təkliflər irəli sürüb

22-02-2021 / 20:28
"Bir müddət öncə Prezident “Dövlət Nəzarəti İnformasiya Sistemi”nin yaradılması haqqında çox faydalı bir Fərman imzalayıb.
 
Məqsəd dövlət nəzarətinin təşkili və icra intizamının təmin edilməsi istiqamətində görülən işlərin səmərəliliyinin artırılmasına nəzarətin təmin edilməsidir. Yəni, bu elektron resurs Prezident Administrasiyasına imkan verəcək ki, Prezidentin fərman, sərəncam və tapşırıqlarının, Birinci vitse-prezidentin və Prezident Administrasiyası rəhbərinin tapşırıqlarının icra vəziyyətinə nəzarəti elektron qaydada həyata keçirsin.
 
İcra qurumlarının hesabatlılığı, Monitorinq imkanlarının yaradılması, dövlət nəzarətinin daha effektiv təşkili baxımından adı çəkilən resurs mühüm əhəmiyyət kəsb edir. Bununla belə maraqlıdır ki, vətəndaşlardan, vətəndaş cəmiyyətlərindən və müstəqil ekspertlərdən gələn təklif və rəylərin, müraciətlərin bu sistemdə nəzərə alınması imkanları yaradılmayıb.
 
Son zamanlar Prezident az qala bütün çıxışlarında ictimai nəzarətin vacibliyini vurğulayır. Düşünrəm ki, belə olan halda dövlət nəzarətini reallaşdırmalı olan bü cür vacib resursda ictimai nəzarət qaydasında daxil olan məlumatların, müstəqil monitorinqlərin və alternativ hesabatların da nəzərə alınması imkanlarının yaradılması resursun əhəmiyyətini xeyli artıra bilərdi.
 
Ümumiyyətlə, düşünürəm ki, bu cür nəhəng elektron resursun söykəndiyi bir portalın hazırlanması, dövlət nəzarətinin təşkili ilə bağlı alternativ informasiyaların Operator tərəfindən qəbulu üçün imkanlar yaradılması və sistem vasitəsilə əldə olunan və emal olunan məlumatların ictimai əhəmiyyət kəsb edilən hissələrinin bu portal vasitəsilə açıqlanması doğru və faydalı olardı".
 
Azərbaycan İnternet Formunun Prezidenti Osman Gündüz
 
 
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.