Ermənistan Azərbaycanın tezlik resurslarından istifadə hüququ əldə edib?

13-06-2020 / 11:24

Azərbaycanla Ermənistan arasında tezlik spektrin tənzimləməsi məsələsinin Beynəlxalq Telekommunikasiya İttifaqında müzakirəsi ilə bağlı ötən illər mediada bir neçə dəfə məlumatlar verilmişdi.

BTİ rəsmilərinin açıqlamalarından görünürdü ki, bu sahədə ciddi problemlər var.
Hiss olunurdu ki erməni tərəfi sərhədyanı regionlarda tezlik resurslarından daha sərbəst istifadə hüququ qazanmaq istəyirlər. Azərbaycanın aidiyyatı qurumları bu müzakirələrin yekunu haqqında son günlərədək açıqlama verməmişdi.

Lakin iki gün öncə Ermənistan rabitə naziri Akob Arşakyan açıqlayıb ki, BTİ-nin vasitəçiliyi ilə Azərbaycanın rabitə təmsilçiləri ilə aparılan danışıqlar nəticəsində sərhəddəki tezliklər məsələsində müzakirələr olunub, razılaşma nəticəsində Ermənistan 134 tezlikdən sərbəst istifadə hüququ əldə edib.

Bundan sonra bizim Nazirlik açıqlama yayıb və maraqlıdır ki, bu açıqlamada 134 tezlik məsələsinə deyil, bizim radioyayım stansiyalarının BTİ-də qeydiyyatına diqqət yönəldib.

Məlum olub ki Ermənistan bizim radio yayım stansiyalarının BTİ-də qeydiyyata alınmamasına, bununla da fəaliyyətinə maneələrin yaranmasına səbəb olurmuş. NRYTN bununla bağlı tədbirlər görüb, Azərbaycanın radio yayım stansiyalarının qeydiyyata alınması, Ermənistanın etirazlarına baxmayaraq, təmin edilib. Müzakirələr nəticəsində Tovuz, Qazax, Naxçıvan və digər ərazilərdəki radiostansiyalarımıza maneələr aradan qaldırılıb. Bunlar uğurlu addım kimi qəbul edilə bilər.

Amma NRYTN açıqlamasından da görünür ki, nəyinsə qarşılığında Ermənistan özünün əsassız etirazlarnı geri götürüb.

Sual olunur, nəyin qarşılığında ?

Hansı məsələlərdə erməni tərəfə güzəştə gediliib ? Əgər sadəcə hər iki tərəfin mövcud radio yayımlarının istifadə etdikləri 134 tezlik resursunun kordinasiyasından söhbət gedirsə onda nə üçün NRYTN konkret bu məsələyə deyil tamam fərqli bir məqama diqqət yönəldir ?

Bu, ümumiyyətlə tezliklərin bir kordinasiya məsələsidir, yoxsa konkret hansısa tezlik spektrinin güzəştindən söhbət gedir ?

Nə üçün bizim sərhədyanı regionlarda bizim radiostansiyalar deyil əsasən erməni radioyayımlar fəaliyyət göstərir ? Nə üçün bizim radioyayımlara sərbəst olan tezliklərdən istifadəyə imkanlar yaradılmır ?

Allahın bəxş etdiyi, dövlətə məxsus olan tezlik resursundan qeyri-effektiv istifadə dövləti maliyyə resurslarından məhrum etməklə bərabər, həm də təhlükəsizlik məsələsidir.

Ölkənin dayanıqlı informasiya infrastrukturunda milli tezlik spektrindən effektiv istifadə mühüm rol oynayır.

Azərbaycanda tezlik resursu dövlətə məxsusdur. Tezliklərin müxtəlif məqsədlər üçün istifadəsi Nazirlər Kabineti yanında Radiotezliklər üzrə Dövlət Komissiyası və NRYTN–nin səlahiyyətindədir. Eyni zamanda Dövlət Radiotezliklər idarəsi də tezliklərdən istifadə məsələlərinə kontrol edir. MTRŞ adı çəkilən qurumların aydrıdığı sərbəst tezliklərdən teleradio məqsədləri üçün istifadəni təmin edir.

Bir qədər anlaşıqlı formada qeyd etmək istərdim. Tezlik resursu dövlətə məxsus olduğundan, erməni nazirin 134 tezlikdən istifadə hüququnun əldə edilməsi ilə bağlı açıqlaması anlaşıqlı fomada o deməkdir ki, onlar bizə məxsus 134 yüksəkliyi ələ keçirdiyini iddia edir, onlar bizə məxsus 134 hərbi texnikanı ələ keçirdiyini iddia edir və s. Doğurdanmı bu belədir? Yoxsa bu növbəti erməni fitnəkarlığıdır?

Düşünürəm ki NRYTN ciddi, detallı bir açıqlama verməlidir. Hökumət, Nazirlər Kabineti yanında Radiotezliklər Dövlət Komissiyası baş verənlərə aydınlıq gətirməlidir.

Azərbaycan İnternet Formunun Prezidenti Osman Gündüz


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə