TENDER

Məlumat verdiyimiz kimi, dron texnologiyası son illər çox inkişaf edib.

Dronların dünyada həm əyləncə, həm də ticarət məqsədi ilə istifadəsi hər gün genişlənir.

Həmçinin dronlar hərbi sahədə və digər sektorlarda vacib məqsədlər üçün istifadə edilir.

Goldman Sachs tərəfindən dronların ən çox istifadə edildiyi sahələr açıqlanıb.

Xeberler.az hesabata istinadən məlumat verir ki, dronlar ən çox inşaat sektorunda istifadə edilir.

Belə ki, inşaat zamanı dronlar əsasən məkanı təyin etmək və  konstruksiyanın standartlara uyğun modellənməsində istifadə edilir.

Dron ilə inşaat sahəsi quşbaxışı kimi müşahidə edilir və tikinti zamanı  planlamalar buna uyğun aparılır.

İnşaat firmalarının dediyinə görə, dronlar işi sürətləndirir və hər hansı inşaat layihəsinin vaxtından tez tamamlanmasına yardım edir.

Hesabata görə, dronlardan ən çox istifadə edildiyi digər sahə isə kənd təsərrüfatıdır.

Qeyd edilib ki, dronlar hazırda üzərlərində yerləşdirilmiş istilik kameraları ilə bitkilərin sağlam olmasını ölçür.

Dronlar vasitəsilə yetişən meyvə və ya tərəvəzlərin sağlamlığına,  yetişmə prosesinə nəzarət edilir. Bununla yanaşı, dronlardan əkinçilik sahələrindəki dərmanlama işlərində də istifadə edilir.

Goldman Sachs-a görə, kommersiya istifadəsi üçün dronların xərcləri qarşıdakı 5 ildə 100 milyarda çatacaq.

Qeyd edilir ki, gələcəkdə də dronlardan elə ən çox inşaat və kənd təsərrüfatı sektorunda istifadə ediləcək.

Hesabatda dronların çatdırılma fəaliyyəti də qiymətləndirilib. Lakin Goldman Sachs hələlik bu fəaliyyətin gələcəyini parlaq görmür.

Məltəm Talıbzadə