Günəş enerjisi ilə işləyən qatar hazırlanır

06-07-2015 / 10:02

Yaxın vaxtlarda Hindistan dəmiryollarında günəş enerjisi ilə işləyən qatar hərəkət etməyə başlayacaq. Bu barədə jurnalistlərə Hindistanın elm və texnologiyalar naziri Harş Vardhan bildirib.

Xəbərlər-in RYTN-ın saytına istinadən verdiyi məlumata görə, yeni qatarın hazırlanması “Integral Coach Factory” Milli Vaqonlar İstehsalı üzrə Birlik və Hindistan Texnoloji İnstitutunun Çennai filialı ilə birlikdə aparılır.

Nazir qeyd edib ki, günəş panelləri bütün vaqonlarda quraşdırılacaq ki, bu da gələcəkdə Hindistanın nəqliyyat sisteminin təbii mədən resurslarına olan ehtiyaclarını aradan qaldıracaq. Gözlənildiyinə görə, ilkin mərhələdə günəş panelləri qatarın elektrik enerjisinə tələbatını 15 faizədək ödəyəcək. Bundan başqa, layihə qatarın dayanacaqda olduğu zaman hasil olunan elektrik enerjisini milli şəbəkəyə ötürməsini nəzərdə tutur. 

Bir müddət əvvəl baş nazir Narenda Modinin başçılıq etdiyi Hindistan Nazirlər Kabineti ölkədə bərpa olunan enerjinin yenilənmiş inkişaf planını təsdiq edib. Plan ölkədə quraşdırılan günəş panellərinin ümumi gücünün 2022-ci ilədək 100 giqavatta çatdırılmasını nəzərdə tutur.

Günəş enerjisinə yatırılan investisiyaların həcminin 6 trilyon rupi (100 milyard dollar) təşkil edəcəyi gözlənilir. Layihələr arasında Madhya-Pradeş ştatında 2016-cı ildə istismara veriləcək gücü 750 meqavatt təşkil edən dünyanın nəhəng elektrik stansiyası yer alıb.

Bundan əvvəl baş nazir Hindistanın beynəlxalq konsorsium üzərində işlədiyini bildirib. Təşkilata ildə günəşli günlərin çox olduğu 50 ölkəni təmsil edən alimlərin daxil olacağı qeyd olunur. Konsorsiumun məqsədi günəş enerjisi sahəsində elmi tədqiqatlar və texnoloji nailiyyətlərin mübadiləsidir.

Hindistanın iqlim şəraiti bərpa olunan enerjinin inkişafı üçün əlverişlidir, çünki ölkədə ildə orta hesabla 300 günəşli gün olur.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.